बैंकको एफपिओमा कूल निष्काशनको ५३ प्रतिशत मात्र आवेदन परेको छ । प्रमाणिकरण भएका अावेदकले आवेदन गरेको कित्ता अनुसार नै सेयर पाउने भएका छन् । अवितरित ४७ प्रतिशत एफपिओ भने प्रत्याभूतिकर्ता ८ मर्चेन्ट बैंकले सर्काने भएका छन् ।
बैंकको एफपिओमा सर्वसाधारण,सञ्चालक र कर्मचारी गरि कूल २३ हजार ६२४ आवेदनबाट ९३ लाख ७५ हजार ७५० कित्ता बराबरको २ अर्ब ६२ करोड ५२ लाख २१ हजार रुपैयाँको एफपिओ मात्र बिक्री भएको छ ।
२ अर्ब ३२ करोड ६५ लाख ५० हजार २४० रुपैयाँ बराबरको ८३ लाख ९ हजार १०८ कित्ता सेयर एफपिओमा प्रत्याभूति गरेका ८ मर्चेन्ट बैंकले किन्नेछन् ।
बैंकले असार १५ देखि साउन १३ गतेसम्म कूल एक करोड ७६ लाख ८४ हजार ८५८ कित्ता एफपिओ बिक्रीमा ल्याएको थियो ।
हाल बैंकको चुक्ता पूँजी ८ अर्ब ४ करोड रुपैयाँ छ । एफपिओ निष्कासनपछि बैंकको चुक्ता पूँजी ९ अर्ब ८१ करोड ११ लाख रुपैयाँ पुग्नेछ । एफपिओबाट बैंकलाई तीन अर्ब १८ करोड रुपैयाँ प्रिमियम संकलतन गर्नेछ भने एक अर्ब ७६ करोड ८४ लाख रुपैयाँ चुक्ता पूँजी बढ्नेछ ।
एफपिओ निष्काशनसँगै बैंकमा सरकारको हाल रहेको ६२ प्रतिशत सेयर स्वामित्व घटेर ५१ प्रतिशत कायम हुनेछ । उता ३८ प्रतिशत रहेको सर्वसाधारणको स्वामित्व बढेर ४९ प्रतिशत पुग्नेछ ।
सरकारी स्वामित्व घटाएर ५१ प्रतिशतमा झारेर सर्वसाधारण सेयर स्वामित्व ४९ प्रतिशत कायम गर्न एफपिओ विक्रीमा ल्याएको बैंकले जनाएको छ । त्यस्तै वित्तीय तथा आर्थिक गतिविधिलाई विस्तार गर्दे बैंकको सेवा विस्तार गर्ने उदेश्यका साथ एफपिओ विक्री ल्याएको थियाे ।
सम्बन्धित समाचारहरू:-
नेपाल बैंकको एफपिओमा सञ्चालहरुको अत्यन्त न्यून आवेदन, कुन क्यापिटलकाे कति फस्यो लगानी ?
नेपाल बैंकको एफपिओ नबिक्नुमा सरोकारवाला सबै 'फेलिएर'
नेपाल बैंकले एफपिओलाई लाभांश वितरण गर्ला कि नगर्ला ?
ठूला संस्थागत लगानीकर्ताले रुची नदेखाउँदा नेपाल बैंकको एफपिओको बिजोग, कति पर्यो आवेदन ?
