एनएफआरएस वित्तीय विवरण अनुसार एनआईसी एशियाको लाभांश क्षमता ८२ करोड ४६ लाख, सिटिजन्सको ९६ करोड ४९ लाख र एभरेष्ट बैंकको एक अर्ब ८४ करोड रहेको छ ।
सिद्धार्थभन्दा उच्च लाभांश क्षमता रहेकाे ग्लोबल आईएमई बैंकको दुई अर्ब १५ करोड रहेकाे छ ।
यद्यपी नेपाल बैंकले परम्परागत प्रणालीमा वित्तीय विवरण अनुसार तीन अर्ब ३९ करोड खुद नाफा कमाएको सार्वजनिक गरेकाले लाभांश क्षमतामा पनि अन्य पाँच बैंकभन्दा उच्च नै देखिन सक्छ ।
एनएफआरएस वित्तीय विवरण अनुसार बैंकले सोमबार सार्वजनिक गरेको वित्तीय विवरण अनुसार आव २०७४/७५ मा १९.९९ प्रतिशतले खुद नाफा वृद्धि गर्दै दुई अर्ब ४५ करोड ९७ लाख गरेको उल्लेख छ । यस प्रणाली अनुसार बैंकले अघिल्लो बर्ष दुई अर्ब चार करोड ९९ लाख नाफा देखाएको छ ।
एनएफआरएस अनुसार बैंकले खुद नाफाबाट राष्ट्र बैंकको व्यवस्था अनुरुप रेगुलेटरी एड्जस्टमेन्टमा ६० करोड ४९ लाख व्यवस्था गरेको छ । यस व्यवस्थाका कारण बैंकको खुद नाफा भन्दा लाभांश क्षमता घटेको देखिन्छ ।
बैंकको चुक्ता पूँजी ६ अर्ब ६२ करोड ८८ लाखबाट आठ अर्ब ४६ करोड ४३ लाख रुपैयाँ पुगेको छ ।
बैंकले १० अर्ब १३ करोड ब्याज आम्दानी गरेर ६ अर्ब ६२ करोड ब्याज खर्च गरेको छ । जसबाट उसले ३ अर्ब ५१ करोड खुद ब्याज आम्दानी गरेको छ ।
बैंकले चार अर्ब ९५ करोडको जगेडा कोष ५ अर्ब ८५ करोडमा बढाएको छ । त्यसैगरि निक्षेप संकलनमा ७७ अर्ब ४० करोडबाट एक खर्ब एक करोड ७५ लाख तथा कर्जा ६७ करोड १३ लाखबाट ८६ करोड १३ लाखमा बढोत्तरी गरेको छ । खुद ब्याज आम्दानी दुई अर्ब ६२ करोडबाट तीन अर्बमा पुगेको हो ।
समीक्षा अवधिमा बैंकको चुक्ता पूँजी २७.६९ प्रतिशत, जगेडा कोष १८.०९, निक्षेप ३१.४६ प्रतिशत, कर्जा २८.२९, खुद ब्याज आम्दानी ३३.७५ प्रतिशतले सुधार गरेको छ ।
बैंकको खराब कर्जा १.१५ बाट घटेर १.०५ प्रतिशतमा झरेको छ, प्रतिशेयर आम्दानी ३० रुपैयाँबाट संकुचन आएर २९ रुपैयाँ ०६ पैसामा सीमित भएको छ । त्यस्तै बैंकको आधार ब्याजदर ११.१६ प्रतिशत र कोषको लागत ७.६३ प्रतिशत छ ।