एक अर्ब ८९ करोड २० लाखको लाभांश क्षमता
नेपाल फाइनान्सिङ रिर्पोटिङ्ग स्टाण्डर्ड (एनएफआरएस) अनुसार मंगलबार प्रकाशित आर्थिक बर्ष २०७४/७५ को चौथो त्रैमासमा बैंकले एक अर्ब ८९ करोड २० लाखको लाभांश क्षमता बनाएको छ ।
राष्ट्र बैंकको व्यवस्था अनुसार आर्थिक बर्ष २०७४/७५ मा बैंकले पाँच करोड दुई लाख रेगुलेटरी एड्जस्टमेन्ट पश्चात बैंकले साे लाभांश क्षमता बनाएको हाे । यो रकम बैंकले केन्द्रिय बैंकले तोकेको प्रावधान अनुसार तोकिएका शिर्षकहरुमा व्यवस्था पश्चात सेयरधनीलाई लाभांश वितरणमा उपयोग गर्न सक्छ ।
सबै सूचकहरुमा उत्साहप्रद प्रगति
गत आर्थिक बर्षमा बैंकले सबै सूचकहरुमा उत्साहप्रद प्रगति गरेको छ । चुक्ता पूँजी स्थिर रहेको बैंकको जगेडा कोष ९७ प्रतिशतले बढेको छ । निक्षेप र कर्जा विस्तारलाई २० प्रतिशत बढीले विस्तार गरेको बैंकले समिक्षा अवधिमा कोषको लागत बढ्न नदिँदा खुद ब्याज आम्दानी ३८.७३ प्रतिशतले सुधारिएको वित्तीय विवरण निकालेको छ ।
पूँजी कोषमा सुधार आवश्यक
बैंकको खराब कर्जा अनुपात घटेर ०.६६ प्रतिशत कायम भएको छ भने प्रतिसेयर आम्दानी ७ रुपैयाँ बढाएर २४ रुपैयाँ १८ पैसा कायम गरेको छ । बैंकको प्रतिसेयर नेटवर्थ १४० रुपैयाँ ९९ पैसा, कोषको लागत ८.०४ र आधार ब्याजदर १०.४७ र पूँजी कोष अनुपात १२.५४ प्रतिशत रहेको छ । बैंकलाई पूँजी कोष अनुपातमा भने सुधार आवश्यक देखिन्छ ।
निक्षेप संकलन र कर्जा परिचालन सन्तुलित
आठ अर्ब तीन करोड ३३ लाख रुपैयाँ चुक्ता पूँजी रहेको बैंकको जगेडा कोषमा तीन अर्ब ७१ करोड ११ लाख रुपैयाँ सञ्चित रहेको छ । यस अवधिमा बैंकले ८१ अर्ब ३१ करोड ३३ लाख निक्षेप संकलन गरेको छ भने ७० अर्ब ९२ करोड ७६ लाख रुपैयाँ कर्जा प्रवाह गरेको छ । निक्षेप संकलन र कर्जा विस्तारसँगै संस्थागत सुशासनमा पनि ध्यान दिएकाले प्राईमको अवस्था सुदृढ हुँदै गएको हो ।
खुद ब्याज आम्दानी ३८.७३ प्रतिशतले सुधारियाे
बैंकको खुद ब्याज आम्दानी ३८.७३ प्रतिशतले सुधारिएकाे छ । अघिल्लो बर्ष एक अर्ब ९२ करोड १९ लाख खुद ब्याज आम्दानी रहेकोमा बढेर दुई अर्ब ६६ करोड ६२ लाख रुपैयाँ पुगेको हाे । काेषकाे लागत बढ्न नदिँदा बैंककाे खुद ब्याज अाम्दानीमा उत्साहजनक सुधार अाएकाे हाे ।
