कर्जा विस्तारमा आक्रामक बैंकहरुको सुस्ताउँदै निक्षेप, तरलता संकटको खतरा

Oct 04, 2018 Merolagani

बैंक तथा वित्तीय संस्थामा लगानी योग्य रकम (तरलता) प्रशस्त भएपछि यतिबेला बैंकहरु कर्जा विस्तारमा आक्रमक देखिएका छन् । चालु आर्थिक बर्ष सुरु भए देखि नै निक्षेप संकलन भन्दा कर्जा विस्तारमा जोड दिँदै आएका बैंकहरु असोज लागेपछि कर्जा विस्तारमा झनै आक्रामक देखिएका छन् ।

असोजको दोस्रो सातामा १९ अर्ब रुपैयाँ कर्जा परिचालन गरेका बैंकहरुले ८ अर्ब रुपैयाँ मात्र निक्षेप संकलन गरेका छन् ।

असोज लागेपछि १२ दिनको अवधिमा मात्रै बैंकहरुले ३४ अर्ब कर्जा परिचालन गरेका छन् भने १८ अर्ब निक्षेप संकलन गरेका छन् ।

चालु बर्ष सुरु भएयता अर्थात् गत साउन १ गतेदेखि असोज १२ गतेसम्मको अवधिमा बैंकहरुमा ५० अर्ब निक्षेप थपिएको छ भने ९७ अर्ब कर्जा विस्तार गरेका छन् ।

 

 

 

गत असार मसान्तसम्म बैंकहरुसँग २४ खर्ब ७० अर्ब निक्षेप थियो भने सो अवधिमा २१ खर्ब ११ अर्ब ऋण लगानी गरेका थिए ।

असोजको दोस्रो साताको अन्त्यसम्म बैंकहरुले कूल २५ खर्ब २० अर्ब रुपैयाँ निक्षेप संकलन गरेका छन् भने २२ खर्ब ८ अर्ब रुपैयाँ ऋण दिएका छन् ।

 

 

दशैँ तिहार छठ लगायतका पर्वहरु सुरु भएकाले अहिले कर्जाको माग अत्याधिक रहेको बैंकरहरुको भनाई छ । चाडपर्वको अवसरमा विशेषगरी गाडी कर्जाको माग बढी हुने गरेको उनीहरु बताउँछन् । त्यसैगरी यहि सिजनमा विदेशबाट आयत बढ्ने हुँदा पनि कर्जाको माग बढ्ने गरेको छ ।

राष्ट्र बैंकले तरलता प्रशोचन गरिरहेको र बैंकहरु निक्षेप जुटाउन भन्दा कर्जा विस्तारमा आक्रामक बनेपछि बैकिङ्ग क्षेत्रमा अघिल्लो बर्षहरुमा जस्तै पुन तरलता संकट उत्पन्न हुनसक्ने आंकलन गर्न थालिएको छ ।

comments powered by Disqus

शेयर बजारको अस्वाभाविक राजनीति

Dec 15, 2018

- आनन्द कुमार भट्टराई।
मुलुकको शेयर बजार अहिले एकदमै तातेको अवस्थामा छ। चारैतिर यसकै चर्चा छ। एकथरि लगानीकर्ता विभिन्न माग राखि रिले अनसनमा छन् भने त्यसलाई सत्ता ईत्तर फक्षका विभिन्न घटकबाट सांकेतिक समर्थन पनि बढ्दो छ। वास्तवमा मुलुकको लागि यस्तो अवस्थामा किमार्थ पनि राम्रो मान्न सकिँदैन।