गत बर्षको यसै अवधिको तुलनामा बैंकको खुद नाफा ४ करोड ९२ लाख रुपैयाँले धेरै हो। गत वर्षको यसै अवधिमा बैंकले ५ करोड ६३ लाख रुपैयाँ खुद नाफा कमाएको थियो ।
सञ्चालन खर्च व्यवस्थापन सन्तुलनमा राख्दा, खराब कर्जा उठाउन र ब्याज आम्दानी बढोत्तरी हुँदा बैंकको नाफा वृद्धि भएको हो ।
चुक्ता पूँजी २ अर्ब ८४ करोड र जगेडा कोषमा एक अर्ब ५ करोड १४ लाख रुपैयाँ रहेको बैंकको पूँजी कोष अनुपात १६.५१ प्रतिशत छ।
असोज मसान्तसम्ममा २६ अर्ब ६८ करोड ६२ लाख रुपैयाँ निक्षेप संकलन गरेको बैंकले २२ अर्ब ८३ करोड ५६ लाख रुपैयाँ कर्जा परिचालन गरेको छ ।
यस त्रैमासमा बैंकले २४ करोड ६७ लाख रुपैयाँ खुद ब्याज आम्दानी गरेको छ । गत वर्ष यसै अवधिको तुलनामा बैंकको खुद ब्याज ४२.८१ प्रतिशतले धेरै आम्दानी गरेको हो ।
बैंकमा निष्कृय कर्जा अनुपात ३.३९ प्रतिशत छ । बैंकको प्रतिशेयर आम्दानी १४ रुपैयाँ ८५ पैसा छ भने प्रतिशेयर नेटवर्थ १३६ रुपैयाँ ९६ पैसा छ ।