फागुनमा बैंकहरुको नाफा १९ प्रतिशतले बढ्यो, कुन बैंकको कति?

Apr 10, 2024 02:14 PM Merolagani

फागुनमा वाणिज्य बैंकहरुको नाफा १९ प्रतिशतले बढेको छ। गत फागुन महिनामा मात्रै बैंकहरुले ६ अर्ब ८१ करोड रुपैयाँ नाफा कमाएका छन्।

माघसम्ममा ३५ अर्ब ४९ करोड रुपैयाँ खुद नाफा कमाएका बैंकहरुले फागुनसम्ममा ४२ अर्ब ३० करोड रुपैयाँ कमाएका छन्। जुन माघको तुलनामा १९.२० प्रतिशतले धेरै हो।

नबिल बैंकले कमायो सबैभन्दा धेरै, एसबिआई अन्तिममा

फागुनसम्ममा नबिल बैंकले सबैभन्दा धेरै ४ अर्ब ७२ करोड रुपैयाँ नाफा कमाएको छ। माघसम्ममा ३ अर्ब ९८ करोड रुपैयाँ नाफा कमाएकोमा फागुनमा साढे १८ प्रतिशतले नाफा बढाएको हो।

यस्तै ग्लोबल आइएमई बैंकले ३ अर्ब ४३ करोड रुपैयाँ नाफा कमाएको छ भने प्राइम बैंकले २ अर्ब ८८ करोड, राष्ट्रिय वाणिज्य बैंकको २ अर्ब ८७ करोड, नेपाल इन्भेष्टमेन्ट मेगा बैंकको २ अर्ब ८० करोड, एनआइसी एशिया बैंकले २ अर्ब ५४ करोड, एभरेष्ट बैंकको २ अर्ब २९ करोड र स्ट्यान्डर्ड चार्टर्ड बैंकले २ अर्ब ८ करोड रुपैयाँ नाफा कमाएको छ।