खासगरी, हरेक आर्थिक बर्षको बजेट जेठ १५ गते संघीय संसदमा प्रस्तुत गर्नुपर्ने संवैधानिक व्यवस्था रहेकाे छ । तर याे बर्ष भने बजेट अधिवेशन सुरू हुनु अघि नै केही कानूनहरु संशोधन गर्नुपर्ने थियाे ।तथापी हिउँदे अधिवेशन प्रभावकारी बन्न सकेन । सुरुवातमै संघीय संसदले कार्यतालिका बनाउँदा पनि हिउँदे अधिवेशन प्रभावकारी बन्न सकेन । दलहरुबीचमा सहमति नजुटेका कारण वैशाखको दोस्रो साता नै हिउँदे अधिवेशन सकिएको थियो ।
तर जेठ १५ मा नै बजेट प्रस्तुत गर्नुपर्ने संवैधानिक व्यवस्थाका कारण अब बजेट अधिवेशन भने समयमै सुरु गर्नुपर्ने भएकाे छ । बजेट प्रस्तुत हुनुअघि संसदमा राष्ट्रपतिले नीति तथा कार्यक्रम पेश गर्ने र त्यसमाथि छलफल गरिन्छ । त्यसैले, नीति तथा कार्यक्रममाथि छलफल गर्ने समय राख्दै बैशाखको तेस्रो सातामा आर्थिक बर्षको बजेट अधिवेशन आव्हानको तयारी गरिएकाे हाे ।
बजेट अर्थात बर्खे अधिवेशन मुख्यतः बजेट निर्माणमा केन्द्रित रहेकाे हुन्छ । सरकारले ल्याउने नीति तथा कार्यक्रम र बजेटमाथि अधिवेशनमा गहन तथा विस्तृत छलफल गर्ने गरिन्छ ।
