कांग्रेस र एमालेबीच १ः१ काे रेसियाे अर्थात बराबरकाे हैसियतमा मन्त्रालयको भागबण्डा हुने

Jul 10, 2024 01:44 PM Merolagani

नेपाली कांग्रेस र नेकपा एमालेबीच १ः१ काे रेसियाे अर्थात बराबरकाे हैसियतमा मन्त्रालयको भागबण्डा हुने भएकाे छ । बुधवार पार्टी केन्द्रीय कार्यालयमा पार्टीको सचिवालय बैठकलाई सम्बोधन गर्दै एमालेका अध्यक्ष केपी शर्मा ओलीले यस्ताे बताएका हुन् ।

उनले मन्त्रालयको बाँडफाँड भइनसकेको तर बराबर हैसियतमा मन्त्रालयकाे भागबण्डा हुने खुलासा गरे । एमालेका अध्यक्ष ओलीले नेपाली कांग्रेस र नेकपा एमालेबीच कुनैपनि मन्त्रालयको भागबण्डा भइनसकेको भन्दै को-को सरकारमा सहभागी बन्छन्, सोही अनुसार मन्त्रालयको भागबण्डा टुंग्याउने बताए ।

उनले सरकारमा सहभागी बन्ने राजनीतिक दलहरूलाई पनि समेटेर जानेगरी छलफल भइरहेको बताए । त्यसका लागि सामान्यतः संसदकाे सिटका आधारमा पार्टीहरूलाई स्थान निर्धारण गर्ने पनि एमालेका अध्यक्ष ओलीले बताए ।

comments powered by Disqus

टप ब्रोकरको रोजाईमा कुन कम्पनी ?

Jul 18, 2024 06:13 AM

शेयर बजार बढेसँगै पछिल्लो समय कारोबार रकममा समेत उछाल आउन थालेको छ । बुधबार नेप्से परिसुचक ५४.०४ अंकले बढेर २३ सय ६४ दशमलब ६३ विन्दुमा पुग्दा १२ अर्ब ५ करोड रुपैयाँको शेयर कारोबार भएको छ जुन ३५ महिना यताकै उच्च हो भने नेप्से परिसुचक समेत २६ महिना यताकै उच्च विन्दु हो ।