शेयर बजारलाई सरकारको नीतिले नै चपेटामा पारेको थियो । जसले गर्दा लगानीकर्तामा आत्म विस्वासको कमी भएको थियो ।
नयाँ सरकार बनेसँगै बाधक बनेका नीतिहरु फुकुवा गर्ने विस्वास लगानीकर्ताले गरेका छन् । बजारले घट्दो चक्र पार गरिसकेको छ । यसपालीकाे माैद्रिक नीतिले अप्ठेरा नीतिहरु फुकुवा हुने आशामा बजार बढेको शेयर लगानीकर्ता संघ नेपालका अध्यक्ष ताराप्रसाद फुल्लेलले बताए ।
बजारले खासै करेक्सन लिन मानिरहेको छैन । बुधबारको बजारमा एक दिन डे करेक्सन भएपनि अन्य दिन इन्ट्रा डे र सेक्टरल करेक्सन हुँदै बजार बढेको छ । जसका कारण लगानीकर्ता बजार प्रति उत्साहित भएका छन् ।
बैंकिङ प्रणालीमा प्रर्याप्त तरलता रहेको छ । बैंककाे ब्याजदर निरन्तर घटेको छ । यस्ताे अवस्थामा राष्ट्र बैंकले लचिलो मौद्रिक नीति ल्याउने लगानीकर्ताहरुकाे विस्वास छ।