प्रतिफल वितरण प्रयोजनार्थ सानिमा इक्विटी फण्ड (SAEF), सानिमा लार्ज क्याप फण्ड (SLCF) र सानिमा ग्रोथ फण्डले भोली अर्थात भदौ २६ गते बुकक्लोज गर्ने भएको छ। यस अनुसार आजसम्म नेप्सेमा कारोबार भइ कायम शेयरधनीहरुले यी फण्डहरुको प्रतिफल प्राप्त गर्न सक्नेछन्।
सानिमा इक्विटी फण्डले गत आर्थिक वर्षका लागि कर सहित १५ प्रतिशतका दरले नगद लाभांश वितरण गर्ने घोषणा गरेको छ भने सानिमा लार्ज क्याप फण्डले १० प्रतिशत र सानिमा ग्रोथ फण्ड (SAGF) ले १० प्रतिशतका दरले नगद लाभांश वितरण गर्ने घोषणा गरेको छ।
सानिमा क्यापिटलको योजना व्यवस्थापनमा सञ्चालित यी फण्डहरुको कोष प्रबर्द्धक सानिमा बैंक लिमिटेड रहेको छ।
