मंगलबार नेप्से सूचक १३.०९ अंकले घटेर २६३२.९४ विन्दुमा झरेको छ भने कारोबार रकम ७ अर्ब २४ करोड रुपैयाँमा झरेको छ। यसरी कारोबार रकम घट्दा लगानीकर्ताहरुले शेयर बजारबाट पैसा बाहिरिन थालेको आशंका समेत गर्न थालेका छन्।
तर अहिले ब्रोकर कम्पनीहरुबाट लगानीकर्ताले शेयर बेचेको पैसा लगेका छैनन्। लगानीकर्ताहरु बजार बढ्ने आशामा खरिद गर्नको लागि तयारी अवस्थामा देखिन्छन्। यसले गर्दा शेयर बजारको पैसा बाहिरिएको छैन। बजार उच्च दरमा घटेको अवस्थामा अहिले शेयर खरिद गर्ने राम्रो अवसर समेत आएको लगानीकर्ताहरु बताउँछन्।
बैंकिङ्ग क्षेत्रमा तरलता पर्याप्त रहेकोले पनि बजारले जुनसुकै समयमा फेरि सकारात्मक लय समाउन सक्ने लगानीकर्ताहरु बताउँछन्।
