मंगलबार बजार ०.२१ अंकले घटेर २६७७.४० विन्दुमा झरेको छ भने ४ अर्ब २० करोड रुपैयाँ बराबरको शेयर कारोबार भएको छ। यसदिन सबैभन्दा धेरै बीमा समूहका कम्पनीको शेयरमूल्य बढेको छ। पछिल्ला समय लगानीकर्ताहरु बीमा क्षेत्रतर्फ सिफ्ट हुन थालेको आंकलन गरिएको छ।
बीमा कम्पनीहरुमा बैंक तथा वित्तीय संस्थाले लगानी गर्दा आकर्षण बढेको हुन सक्ने लगानीकर्ताहरु बताउँछन्।
अहिले शेयर बजारले लगानीकर्तालाई द्विविधामा पारेको भए पनि कम्तिमा ३ महिनाको टार्गेट लिएर बजारमा लगानी गर्ने हो भने अहिले शेयर खरिद गर्नको लागि उपयुक्त समय रहेको लगानीकर्ताहरु बताउँछन्। उनीहरूका अनुसार अहिले बजारमा लगानीकर्ताले मिडक्याप कम्पनी छनोट गर्दा उपयुक्त हुने देखिन्छ।
