मुद्रास्फीतिले समितिको २ प्रतिशत उद्देश्यमा प्रगति गरेको छ तर केही माथि रहेको छ । आफ्नो लक्ष्यलाई समर्थन गर्दै समितिले संघीय कोष दरको लक्ष्य दायरालाई ०.२५ प्रतिशत अंकले घटाएर ४.५ प्रतिशतदेखि ४.७५ प्रतिशतमा झार्ने निर्णय गरेको छ ।
फेडको पछिल्लो निर्णय कमजोर रोजगारी रिपोर्ट पछि आएको हो । जसले देखाएको छ कि अमेरिकी रोजगारदाताहरूले अक्टोबरमा मात्र १२ हजार जागिरहरू थपेका छन् । पछिल्लो प्रतिवेदनले अगस्ट र सेप्टेम्बरको रोजगारीलाई क्रमशः ७८ हजार र २ लाख २ हजारको लाभमा परिमार्जन गरेको छ । यी संशोधनहरूसँगै दुई महिनामा रोजगारी पहिले रिपोर्ट गरिएको भन्दा १ लाख १२ हजार कम छ ।
