बिहीबार प्रभु बैंकको कुल २० लाख ९९ हजार ५७८ कित्ता शेयर ५० करोड ७७ लाख ८३ हजार ७०३ रुपैयाँको शेयर कारोबार भएको छ। अन्य दिनहरुमा २ लाख कित्ता पनि शेयर कारोबार नहुने प्रभु बैंकले बिहीबार भने एकैपटक २१ लाख कित्ता कारोबार भएको छ।
प्रभु बैंकले आगामी वार्षिक साधारणसभाबाट ६ जना सञ्चालक नियुक्त गर्दैछ। जसमा ३ जना संस्थापक शेयरधनीको तर्फबाट र ३ जना सर्वसाधारण शेयरधनीको तर्फबाट सञ्चालक नियुक्त हुने छन्।
साधारणसभा प्रयोजनको लागि बैंकले पुस १७ गते शेयरधनी दर्ता किताब बन्द गर्ने जनाएको छ। साधारणसभामा भाग लिन र सञ्चालकलाई भोट हाल्नको लागि १६ गतेसम्ममा शेयरधनी कायम भइसक्नुपर्नेछ। सोहि कारण बुकक्लोज अगाडि नै बैंकको शेयर खरिद गर्न थालेको देखिन्छ।
यसैगरी, साधारणसभा हुन बाँकी माछापुच्छ्रे बैंकले पनि सर्वसाधारण शेयरधनीको तर्फबाट प्रतिनिधित्व गर्ने ३ जना सञ्चालक नियुक्त गर्ने भएको छ। सोहि कारण माछापुच्छ्रे बैंकमा पनि खरिदकर्ता हाबी भएको देखिन्छ।
