आजको बजार ६.१६ अंकले बढेर २६४६.८४ विन्दुमा पुगेको छ । यस दिन ५ अर्ब ३८ करोड रुपैयाँभन्दा बढीको शेयर खरिदबिक्री भएको छ । पुस मसान्तको दबावको बीचमा पनि बजारले सकारात्मक गतिलाई निरन्तरता दिनुले लगानीकर्तालाई विश्वस्त बनाएको छ ।
लगानीकर्ताहरु पुरानै शैलीमा कम पूँजी भएका र कमजोर वित्तीय विवरण भएका कम्पनीहरु नै चलाइरहेका छन् । यसरी गरिएको लगानीले बजारलाई अझै जोखिम बढाएको छ । बजार 'फलास' जस्तै खेलिएको छ यसो हुनुको दोषी नियामक रहेको बजारका विश्लेषक एसपी चौलागाईले बताए ।
