प्राधिकरणले लाइन काट्नु अघि कुनै पनि सूचना नदिइ एक्कासी काटेको बताइएको छ । संसदीय दलले ६३ हजार ४ सय रुपैयाँ तिर्न बाँकी रहेको र त्यसमा २५ प्रतिशत जरिवाना थपिँदा त्यो रकम केही बढ्ने बताइएको छ । प्राधिकरणले संसदीय दलमा जोडेको विद्युत मिटर भने संसद सचिवालयको नाममा रहेको छ ।
प्राधिकरणका कार्यकारी निर्देशक कुलमान घिसिङलाई हटाउने उद्देश्यले उर्जा मन्त्रालयले स्पष्टिकरण सोधेको केही दिनमै प्राधिकरणले कांग्रेस संसदीय दलको लाइन काटिदिनुलाई अर्थपूर्ण रुपमा लिइएको छ ।
कांग्रेस केन्द्रिय सदस्य रहेका उर्जा मन्त्री दिपक खड्का र कार्यकारी निर्देशक कुलमानबीचको विवाद पछिल्लो समय झन चर्किएको छ । खड्का घिसिङलाई जसरी पनि हटाउने प्रयासमा छन् भने घिसिङ भने परोक्ष अपरोक्ष रुपमा उनलाई चुनौति दिंदै आएका छन् ।
मन्त्रालयले घिसिङलाई स्पष्टिकरण सोधे लगत्तै कांग्रेस संसदीय दलको विजुली काट्नुलाई पनि त्यसकै निरन्तरता मानिएको छ । र, यो घटनाले दुई विचको विवाद झन चर्किने निश्चित देखिएको छ ।
