आगामी समयमा प्रविधि छिटाे छिटो परिवर्तन हुँदैछ। प्रविधिकै विकासका कारणले केहीले जागिर गुमाउन सक्छन् भने केही नयाँ नयाँ राेजगारहरू सिर्जना हुन सक्छन्। यसैबीचमा,आगामी १० वर्षमा यी १० वटा राेजगारहरूमा कमी आउने अनुमान गरिएकाे छ ।

वर्ल्ड इकाेनाेमिक फाेरम डब्लूइएफकाे फ्यूचर अफ जब्स रिपाेर्ट २०२५ मा याे चेतावनी दिइएकाे छ । प्राविधिक विकास,अटाेमेशज र परिवर्तन भइरहेकाे बजारका कारण आउँदाे केहि वर्षहरूमा कैयाैं राेजगारीहरू सकिन सक्नेछन् ।

यस रिपाेर्ट अनुसार चाैथाे औद्योगिक क्रान्ति भइरहेकाे समयमा प्राविधिक परिवर्तनहरूले केहि राेजगारीहरू गैरआवश्यक बनाइदिन सक्छ । सबैभन्दा धेरै यी १० राेजगारहरू यसबाट खतरामा पर्न सक्छ ।

१) क्यासियर र बैंक टेलर ः

सेल्फ-चेकआउट कियाेस्कको बढ्दो प्रवृत्ति र अनलाइन किनमेलतर्फको परिवर्तनसँगै धेरै खुद्रा पसलहरूले क्यासियरहरूमा आफ्नो निर्भरता घटाउँदै गइरहेका छन्। नियमित कारोबारमा स्वचालनले मानव कामलाई प्रतिस्थापन गर्दैछ । यसकारण क्यासियरको भूमिका द्रुत गतिमा घट्दै गएको छ।

हाल अधिकांश मानिसहरूमा अनलाइन बैंकिङ र भुक्तान सेवाहरूकाे प्रयाेग गर्दछन् । डिजिटल पेमेण्ट्स र एटिएम जस्ताे प्रविधिले बढावा पाइरहेका छन् ।

२) डाटा एन्ट्री अपरेटर :

अटाेमेशन र आर्टिफिसियल इंटिलिजेन्स(AI)ले डाटा प्रशोधनलाई सुव्यवस्थित गर्दैछ । यसले गर्दा म्यानुअल डेटा एन्ट्री क्लर्कहरूको आवश्यकता कम हुँदैछ। प्रविधिको विकास हुँदै जाँदा,हाल डेटा एन्ट्रीहरूकाे काम मेसिन लर्निङ र सफ्टवेयरले गरिरहेकाे छ । पहिले समय लाग्ने कामहरू गर्न हाल सजिलाे भरहेकाे छ।

३) कस्टमर सर्भिस एक्जिक्यूटिभ्स ः

कस्टमर सर्भिस एक्जिक्यूटिभ्स (गैर-प्राविधिक) ग्राहक सेवामा बिस्तारै मानिसहरूकाे साटाेमा एआई च्याटबट्स र भाेइस असिस्टेन्टकाे प्रयाेग भइरहेकाे छ । 

४) अकाउण्टेण्टः

फाइनान्स सफ्टवेयर र क्लाउड बेस्ड अकाउण्टिङ टुल्सकाे लाेकप्रियता बढ्दाे छ । साेही कारणले अब केही कम्पनीहरूले अटाेमेटेड सिस्टमकाे प्रयाेग गरिरहेका छन् ।

५) ट्राभल एजेन्टः 

अनलाइन ट्राभल प्लाटफर्महरूले मानिसहरूले उडान र होटल बुक गर्ने तरिकामा क्रान्तिकारी परिवर्तन ल्याएको छ। बढ्दो प्रविधि-ज्ञानी संसारमा धेरै मानिसहरूले स्व-सेवा विकल्पहरू छनौट गर्दा,परम्परागत ट्राभल एजेन्टको भूमिका घट्दै गइरहेको हाे। मानिसहरू आफ्नाे यात्राकाे बुकिङ सिधै अनलाइन प्लाटफर्ममा गरिरहेका छन् । अनलाइन ट्राभल्स पाेर्टल्स र डिआइ  डु इट याेरसेल्फ बुकिङ सिस्टम ट्राभल एजेन्ट्सकाे स्थान लिइरहेका छन् ।

६) पुस्तकालय र हुलाकका कर्मचारी 

पुस्तकालयहरूले डिजिटल स्रोतहरू र ई-पुस्तकहरू अपनाउँदै जाँदा, भौतिक सामग्री व्यवस्थापन गर्ने पुस्तकालयका कर्मचारीहरूकाे (लाइब्रेरी क्लर्कहरूको) माग घट्दै गएको छ। धेरै सेवाहरू अनलाइनमा सर्दैछन् र स्वचालनले पहिलेका कर्मचारीहरूले गर्ने धेरै कार्यहरू ओगटेको छ।

इमेल र डिजिटल सञ्चारले भौतिक मेलको आवश्यकतालाई उल्लेखनीय रूपमा घटाएको छ । साेहि कारणले हुलाक सेवा कर्मचारीहरूको मागमा निरन्तर गिरावट आएको छ। कम पत्र र प्याकेजहरू ह्यान्डल हुने भएकाले यो पेशाले अनिश्चित भविष्यको सामना गरिरहेको छ।

७) टेली मार्केटिङका कर्मचारी

एआई र अन्य टूल्सका कारण टेली मार्केटिङ क्षेत्र अन्त्य हुने अवस्थामा पुगेकाे छ । अटाेमेटेड कलिङ सिस्टम र डिजिटल विज्ञापन याे तरिकाका राेजगारीका लागि संकट बन्न सक्छ ।

८) फ्याक्ट्री र एसेंब्ली लाइन कामदार:

औद्योगिक राेबाेट्स र अटाेमेशन, उत्पादन र म्यानुफ्याक्चरिङमा मानिसहरूकाे स्थान मेशिनहरूले लिइरहेका छन् ।

९) सुरक्षा गार्डः

अहिले एआई सीसीटिभी क्यामरा र सेन्सरले मानिसहरूकाे गतिविधि निगरानी गर्न सक्छन् । फेस रिकग्निशन, माेशन डिटेक्शन र शंकास्पद गतिविधिहरूकाे पहिचान सजिलैसँग हुन सक्छ । साेहि कारण सुरक्षा गार्डहरूकाे जागिर पनि धरापमा रहेकाे प्रतिवेदनले देखाउँछ ।

१०) मेशिन मर्मत गर्ने कमदार

मेशिन मर्मत गर्ने कामदारलाई पनि अबका दिनमा संकट निम्तन सक्छ। मेशिन मर्मतका लागि विशेष तरिकाका प्राविधिक शीपकाे आवश्यकता पर्दछ । जसकारण पारम्परिक प्राविधिकहरूलाई बेराेजगार बनाउन सक्छ ।

एजेन्सी ।