चालु आर्थिक वर्षको पहिलो ६ महिनासम्ममा कम्पनीले २७ करोड १६ लाख रुपैयाँ खुद नाफा कमाएको छ। गत आर्थिक वर्षको सोही अवधिसम्ममा कम्पनीको खुद नाफा १ करोड ६३ लाख रुपैयाँ ऋणात्मक थियो।
पुस मसान्तसम्ममा कम्पनीको कन्स्ट्रक्सन आम्दानी २४ करोड ६० लाख रुपैयाँ रहेको छ भने विद्युत बिक्री आम्दानी १ अर्ब ७ करोड ३ लाख रुपैयाँ रहेको छ। सो अवधिसम्ममा कम्पनीको कुल नाफा ९६ करोड १४ लाख रुपैयाँ रहेको छ भने कुल सञ्चालन नाफा ७० करोड ८९ लाख रुपैयाँ रहेको छ।
त्यसैगरी, सो अवधिसम्ममा कम्पनीको प्रतिशेयर आम्दानी १६ रुपैयाँ ३० पैसा रहेको छ भने प्रतिशेयर नेटवर्थ १०५ रुपैयाँ ९७ पैसा र मूल्य आम्दानी अनुपात ३३.०१ गुणा रहेको छ।
३ अर्ब ३३ करोड २५ लाख रुपैयाँ चुक्ता पूँजी रहेको यस कम्पनीको जगेडा कोषमा १९ करोड ९० लाख रुपैयाँ रहेको छ।
