कुकले पोस्टमा लेखे– ‘परिवारको नयाँ सदस्यलाई भेट्न तयार हुनुहोस्।’ यहाँ कुनै उत्पादनको नाम खुलासा गरिएको छैन, तर परिवारमा सामेल हुने नयाँ सदस्य आईफोन एसई ४ हुने पूर्ण सम्भावना रहेको विभिन्न अनलाइन टेक मिडियाहरुले दाबी गरेका छन् ।
बजारमा उपलब्ध कम्पनीका स्मार्टफोनहरूको तुलनामा यो सबैभन्दा सस्तो फोन हुनेछ। मिडिया रिपोर्टका अनुसार आईफोन एसई ४ को मूल्य लगभग ४९९ (करिब ७० हजार नेपाली रुपैयाँँ) हुन सक्छ। यस कार्यक्रममा, कम्पनीले नयाँ पावरबिट्स प्रो २ इयर बडहरू,एम४ म्याकबुक एयर, एम३ आईप्याड एयर र ११ औं पुस्ताको आईप्याड पनि लन्च हुने सम्भावना रहेकाे छ
एप्पल आईफोन एसई ४ः सम्भावित विशेषताहरु
- यो सस्तो आईफोन बायोनिक ए–१८ प्रोसेसरको साथ बजारमा ल्याउने तयारी रहेको छ । आईफोन १६ मा बायोनिक ए१८ चिपसेट पनि छ, जुन सहज र छिटो काम गर्दछ।
- आईफोन १६ सिरिज जस्तै, आईफोन एसई ४ मा ८ जीबी र्याम हुन सक्छ। यसलाई एप्पल इन्टेलिजेन्स प्रविधिसँगै प्रस्तुत गरिने अनुमान गरिएको छ ।
- यो कम्प्याक्ट आईफोनमा ओएलइडी प्यानलमा आधारित ६.१ इन्चको डिस्प्ले हुन सक्छ, जुन पहिले लन्च गरिएको एसइ ३ भन्दा ठूलो हुनेछ। कम्पनीले आईफोन एसई ३ मा ४.७ इन्चको एलसीडी डिस्प्ले प्रदान गरेको थियो। आईफोन एसई ४ मा फोटोग्राफीको लागि ४८ एमपी सिंगल क्यामेरा हुन सक्छ, जुन मोबाइलको पछाडिको प्यानलमा फ्ल्यास लाइटको साथमा फिट हुनेछ। सेल्फी र भिडियो कलिङको लागि फोनमा १२ मेगापिक्सेलको फ्रन्ट क्यामेरा हुन सक्छ।
