समग्रमा बजार २७ सयको लाइनमा छ । बजारमा सूचक स्थिर हुन खोजे जस्तै कारोबार रकम पनि स्थिर देखिएको छ । दैनिक ८ अर्ब माथिको शेयर खरिद बिक्री भइराख्दा बजार बलियो भएको लगानीकर्ताहरुको बुझाई छ ।
नेपाल राष्ट्र बैंकले चालु आर्थिक वर्षको मौद्रिक नीतिकाे दोस्रो त्रैमासिक समीक्षा गर्ने मिति नजिक हुँदैछ । यो अवसरमा बजारले पर्ख र हेरको अवस्थालाई अवलम्बन गर्दा बजार सूचक उत्साहित भएर बढ्न नसकेको शेयर लगानीकर्ता संघका अध्यक्ष तारा फुल्लेलको बुझाई छ । अर्कोतर्फ नेपालको शेयर बजार चौतर्फी रुपमा राजनीति चपेटामा पर्दा पनि शेयर बजारको हित हुन नसकेको उनको धारणा छ ।
