विद्युतीय सवारी क्षेत्रको नवीनतम विकासलाई अघि बढाउँदै कम्पनीले "एमजी एस ५ ईभी" इलेक्ट्रिक गाडी सेग्मेन्टमा नयाँ क्रान्ति ल्याउने दाबी गरेकाे छ । यसमा नवीन प्रविधि, उत्कृष्ट डिजाइन र उच्चतम प्रदर्शनको संयोजन गरिएको कम्पनीले जनाएकाे छ । यस कार्यक्रमलाई "Pushing Boundaries of Electric Driving" (विद्युतीय सवारीको सीमा फराकिलो बनाउँदै) भन्ने नारासहित आयोजना गरिएको हाे।
एमजी मोटर्सले १०० औं वार्षिकोत्सव मनाइरहेको अवसरमा नेपालमा पनि आफ्नो इलेक्ट्रिक गाडीको उपस्थिति बलियो बनाउन यो नयाँ मोडेल ल्याएको हो। कार्यक्रममा उद्योगका विशिष्ट व्यक्तित्व, गाडी व्यवसायी, सञ्चारकर्मी तथा इलेक्ट्रिक गाडीप्रति रुचि राख्ने उपभोक्ताहरूको सहभागिता रहने कम्पनीले बताएकाे छ।
