यस साताको बुधबार, छापावाल सुनको मूल्य १ लाख ७६ हजार रुपैयाँ पुगेको थियो। जुन हालसम्मकै उच्च मूल्य हो।
साताको पहिलो दिन तोलाको १ लाख ७४ हजार १०० रुपैयाँमा कारोबार भएको सुनको दोस्रो दिन अर्थात सोमबार पनि सोही मूल्यमा कारोबार भएको थियो। त्यसैगरी, मंगलबार प्रतितोला १ लाख ७५ हजार २०० रुपैयाँ पुगेर रेकर्ड बनाएको सुनको मूल्यले, बुधबार सोही रेकर्डलाई तोड्दै पुनः नयाँ रेकर्ड बनाएको हो। बिहीबार पनि रेकर्ड मूल्यमा कारोबार भएको सुन, शुक्रबार भने तोलामा १ हजार रुपैयाँ घटेर कारोबार भएको हो।
रुस युक्रेनबीचको युद्ध नरोकिएको र इजरायलले गाजामा पुनः आक्रमण थालेसँगै अन्तरराष्ट्रिय बजारमा सुनको मूल्यमा वृद्धि भएको विश्लेषकहरुको भनाइ छ।
यस साता नेपाली बजारमा चाँदीको मूलय भने केही घटेको छ। आइतबार प्रतितोला २ हजार ४५ रुपैयाँमा कारोबार भएको चाँदी, साताको अन्तिम कारोबार दिन १ हजार ९९५ रुपैयाँमा कारोबार भएको छ।
