चालु आर्थिक वर्षको चैत मसान्तसम्ममा कम्पनीले ८६ लाख १४ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ४३.८५ प्रतिशत कम हो। गत आर्थिक वर्षको सोही अवधिसम्ममा कम्पनीले १ करोड ५३ लाख रुपैयाँ खुद नाफा कमाएको थियो।
कम्पनीको आम्दानी घटेसँगै खुद नाफा पनि घट्न पुगेको हो।
समीक्षा अवधिमा कम्पनीको सञ्चालन आम्दानी ३४.८६ प्रतिशत घटेको छ भने अन्य श्रोतबाट भएको आम्दानी ५६.३५ प्रतिशत घटेको छ। कम्पनीको अन्य सञ्चालन आम्दानी भने ६.८९ प्रतिशत बढेको छ।
नाफासँगै कम्पनीको प्रतिशेयर आम्दानी पनि घटेको छ। समीक्षा अवधिमा कम्पनीको यस्तो आम्दानी १ रुपैयाँ ६१ पैसा घटेर २ रुपैयाँ ७ पैसामा सीमित भएको छ। सो अवधिसम्ममा कम्पनीको प्रतिशेयर नेटवर्थ १०९ रुपैयाँ ३४ पैसा रहेको छ भने मूल्य आम्दानी अनुपात ५८३.३६ गुणा रहेको छ।
५५ करोड ५६ लाख रुपैयाँ चुक्ता पूँजी रहेको यस कम्पनीको जगेडा कोषमा ५ करोड १९ लाख रुपैयाँ सञ्चित छ।
