पहिलो टिभीको लागि मात्र एक कागजातमा फाइनान्स प्रक्रिया सम्भव थियो भने, होम अप्लायन्सहरुका लागि थप कागजात आवश्यक गर्ने अवस्था थियो। तर, अबदेखि यो सुविधा सबै सामसङ होम अप्लाएन्सहरुमा पनि लागू गरिएको छ।
अब ग्राहकहरुले नयाँ टिभी वा होम अप्लाएन्स मात्र आफ्नो र ग्यारेन्टरको नागरिकता प्रमाणपत्र र २–२ वटा पासपोर्ट साइजको फोटो लिएर, फारम बुझाएको एक घण्टाभित्रै घर लैजान सक्नेछन्। यो सेवा २०८२ जेठ १९ गतेबाट लागू भएको हो र ३० प्रतिशत डाउनपेमेन्ट गरेपछि, १२ महिनाको किस्तामा शून्य प्रतिशत ब्याजदरमा उपलब्ध हुनेछ। सेवा ३० हजार रुपैयाँ वा त्योभन्दा बढी मूल्यमा भएको सामसङ टिभी र होम अप्लाएन्सहरुमा मात्र लागु हुनेछ।
सामसङको नविनतम प्रविधि अब नेपाली ग्राहकहरुको पहुँचमा ल्याउने उद्देश्यले सुरु गरिएको यो योजना हुलास फिन सर्भ हायर पर्चेज लिमिटेडको सहकार्यमा सञ्चालन गरिएको हो। सामसङ इन्स्टा फाइनान्स हिम इलेक्ट्रिोनिक्स प्रा.लि.ले वितरित गरिरहेको देशभर रहेका २०० भन्दा बढी सामसङ स्टोरहरुमा उपलब्ध छ।
