लगानीकर्तामा आत्मविश्वास बढेको देखिएको छ । असार मसान्तको समयमा पनि नेप्सेमा ठूलो दवाव नपरेको हो । नेपाल राष्ट्र बैंकले मौद्रिक नीति ल्याउने मिति नजिकिदै गर्दा बजारमा लगानीकर्ताको आत्मविश्वास बढेको छ । मौद्रिक नीति सकारात्मक आउने विश्वास सहित लगानीकर्ताहरु आशावादी भएको पाइन्छ ।
त्यसैगरी, यतिबेला लगानीकर्ताहरु समूहगत रणनीति बनाएर कारोबार गर्दै आएका छन् । विगतमा निरन्तर लगानीकर्ताको आकर्षणको समूह बनेको हाइड्राेपावर भन्दा अरु समूहमा पनि लगानी बढ्न थालेको हो । बैकिङ, बीमा, फाइनान्स हुँदै पुनः अन्य समूहमा लगानीकर्ताको आकर्षण बढेको छ ।
