सीडीएसका अनुसार अन्तिम दिन आइतबार साँझ ५ः०७ बजेसम्ममा २१ लाख २० हजार ८५७ जनाले २ करोड ५६ लाख २७ हजार ११० कित्ताका लागि आवेदन दिएका छन् । १० कित्ता नीति अनुसार २ लाख ९४ हजार २८६ जनाले मात्रै शेयर पाउँछन् बाँकी लगानीकर्ताको हात खाली हुने अवस्था छ ।
कम्पनीले बुधबारदेखि सर्वसाधारणका लागि २९ लाख ४२ हजार ७६० कित्ता सेयर निष्कासन गरेको थियो । कम्पनीले यसअघि ९ लाख ९ हजार १०१ कित्ता साधारण सेयर आयोजना प्रभावित क्षेत्रका स्थानिय बासिन्दा र ३ लाख ५४ हजार ५५० कित्ता साधारण सेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगार गरिरहेका नेपालीहरुका लागि बाँडफाँट गरिसकेको छ ।
कम्पनीको आइपीओलाई इक्रा नेपालले इक्रा एनपी इस्यूअर रेटिङ्ग ट्रिपल बी माइनस प्रदान गरेको छ । यसले कम्पनीको दायित्व बहन गर्ने क्षमतामा औषत जोखिम रहेको संकेत गर्दछ ।
