उनले नारकोटिक्स कंट्रोल ब्यूरो (एनसिबी) को सिफारिसमा ती विदेशीहरुलाई निस्कासन गर्न लागिएको बताए । लागू औषध नियन्त्रणको लागि भारतले अहिलेसम्म चालेको यो सबैभन्दा कठोर अभियान भएको गृहमन्त्री शाहको दावि छ ।
भारतमा पछिल्लो समयमा लागू औषधको समस्या भयावह बन्दै गएको र त्यसको लागि विदेशी नागरिकहरुको प्रमुख भूमिका रहेको एनसिबीले ठहर गरेको छ । त्यहीअनुसार लागू औषध कारोबारमा संलग्न रहेका, ओसार पसारमा मुछिएका संकास्पद विदेशीहरुलाई फेरि फर्किन नपाउने गरि निस्कासन गर्ने निर्णय गरेको हो । यो भारतले निस्काशन गर्न लागेको विदेशीहरुको सबैभन्दा ठूलो समुह हुने बताइएको छ ।
एनसिबीले आगामी १५ दिनभित्र अर्थात सेप्टेम्बर भित्रै ती मानिसहरुलाई निस्कासन गर्ने र १00 किलो कडा खालका लागू औषध नष्ट गर्न नशा मुक्ति अभियान शुरु गरेको छ ।
निस्कासन गरिने नागरिकहरु कुन कुन देशका हुन् भन्ने केही बताइएको छैन । तर, कतिपय संचारमाध्यमले त्यो सूचीमा केही नेपालीहरु पनि रहेको दावी गरेका छन् ।
