सरकारले दशैंका लागि सवारीको अग्रिम टिकट बुकिङ नखुलाएपछि ७० हजार जनाले काठमाडौं छाडेर गाउँ पुगेका हुन् ।
काठमाडौंमा पेशा व्यवसाय गरेर बस्ने व्यक्तिहरु अग्रिम टिकट नपाइने डरका कारण एक हप्तामा गोंगबु बसपार्कबाट यात्रुहरु गाउँ जाने क्रम समेत बढेको हो ।
जेनजी प्रदर्शन सकिएलगत्तै गोंगबु बसपार्कबाट बाहिरिने यात्रुहरुको चाप बढ्दै गएको ल्होत्से बहुउद्धेश्य कम्पनी लिमिटेडका म्यानेजर पंकज मल्लले बताए ।
उनका अनुसार, गत भदौ २५ गतेदेखि असोज २ गतेसम्म ७० हजार जना यात्रुहरुले काठमाडौं छाडेका हुन् । ‘जेनजी प्रदर्शनपछि भदौ २५ देखि नै गाउँ जाने यात्रुहरुको चाप बढिरहेको छ । यो अवधिमा असोज २ गतेसम्म ७० हजार जनाले काठमाडौं छाडेका छन्,’ उनले मेरो लगानीलाई जानकारी दिए ।
