बोर्डबाट प्राप्त अनुमति अनुसार एपोलो हाइड्रोपावरले प्रति कित्ता १०० रुपैयाँ अंकित मूल्यका कुल १४ लाख १० हजार कित्ता साधारण शेयर निष्कासन गर्नेछ। यस मार्फत कम्पनीले कुल १४ करोड १० लाख रुपैयाँ बराबरको पुँजी बजारबाट सङ्कलन गर्ने तयारी गरेको छ। कम्पनीको यस शेयर निष्कासन तथा बिक्री प्रबन्धकको रूपमा हिमालयन क्यापिटल लिमिटेड रहेको छ।
बोर्डको स्वीकृतिसँगै कम्पनीले अब निश्चित कानुनी प्रक्रिया पुरा गरी सर्वसाधारणका लागि शेयर निष्कासनको मिति घोषणा गर्नेछ। अब कम्पनी बोर्डको निर्देशन बमोजिम विवरण पत्र सार्वजनिक गर्ने र आवेदन खुला गर्ने तयारीमा लाग्नेछ।
यसअघि धेरै जलविद्युत कम्पनीहरू बोर्डको पाइप लाइनमा रहेका थिए। एपोलो हाइड्रोपावरले अनुमति पाएसँगै अन्य प्रतीक्षारत कम्पनीहरूले पनि क्रमशः स्वीकृति पाउने विश्वास गरिएको छ। लगानीकर्ताहरूले सि-आस्वा प्रणाली मार्फत आफ्नो बैंक खाताबाट सहजै यो आईपीओमा आवेदन दिन सक्नेछन्।
