जिल्ला प्रहरी कार्यालय महोत्तरीकाअनुसार सम्सी गाउँपालिका–७ बस्ने गौतम साहलाई बिहीबार दिउँसो ११ लाख ५१ हजार ३ सय रुपैयाँसहित पक्राउ गरिएको हो।
जिल्ला प्रहरी कार्यालय महोत्तरी र प्रहरी चौकी इटहर्वाटकट्टीबाट खटिएको प्रहरी टोलीले पोखरभिण्डाबाट सोनौल बजारतर्फ आउँदै गरेको म.प्र.०२–००९ प १५१७ नम्बरको मोटरसाइकलमा सवार उनलाई जाँच गर्ने क्रममा उक्त नगद फेला पारेको जनाएको छ।
बरामद रकमको स्रोत खुलाउन नसकेको भन्दै उनलाई नियन्त्रणमा लिइएको प्रहरीले जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
