गत पुस १७ मा नाडाको नयाँ कार्यसमिति निर्विरोध निर्वाचित भए पनि पुस २५ मा निर्वाचन प्रक्रिया बदरसम्वन्धी रिट परेपछि नयाँ कार्यसमितिका सदस्यहरुले सपथ लिएका थिएनन् ।
अदालतले रिट खारेज गरेसँगै नाडाको नयाँ कार्यसमितिले बिहीबार सपथ ग्रहण गरेको छ । नयाँ कार्यसमितिको अध्यक्षमा सुरेन्द्र उप्रेती निर्विरोध चयन भएका थिए । त्यस्तै, कार्यसमिति सदस्यहरुमा व्यक्तिगततर्फ बिक्रम सिंहानिया, दीपेन्द्रकुमार मिश्रा, दीपकराज गिरी, मेघराज पौडेल,अनुपकुमार बराल,नवराज भूसाल, नविनकुमार परख, तोयानाथ खनाल, मिलनबाबु मल्ल, विकास जोशी र प्रकाश कपुरी चयन भएका थिए । अध्यक्ष उप्रेतीसहितका नयाँ कार्यसमिति सदस्यहरुलाई नाडाका निवर्तमान अध्यक्ष करण चौधरीले पदभार हस्तान्तरण गरेका थिए ।
अध्यक्ष उप्रेतीले नाडा विधान २०७८ को दफा २०.१ को ‘ङ’ बमोजिम दीपककुमार अग्रवाल, महेश पाल र राजेश गिरीलाई नाडाको केन्द्रीय सदस्यमा मनोनित गरे । त्यस्तै, संस्थागततर्फ सातै प्रदेशबाट एक-एक जना चयन भएका छन् । जसमा डिल्लीराज आचार्य (मोरङ), केदारकुमार अग्रवाल(जानकी), दामोदर प्रसाद अटल(हेटौंडा), दीपेन्द्र कोइराला(पश्चिमाञ्चल), गणेशप्रसाद भट्टराइ(लुम्बिनी), भद्र भण्डारी(कर्णाली) र पुस्करराज ओझा(सुदुरपश्चिम)ले समेत सपथ लिएका थिए ।
नयाँ कार्यसमितिका पदाधिकारीहरु भने विधानअनुसार अध्यक्षले सपथ लिएको सातदिनपछि नाम सार्वजनिक गरिने छ । नाडाको २९ सदस्यीय नयाँ कार्यसमिति गठन हुनेछ ।
