गत फागुन २९ गते शुक्रबार नेपाली बजारमा सुनको मूल्य ३ लाख १४ हजार २०० प्रतितोलामा कारोबार भएको थियो । हप्ताभर सुनको मूल्य निरन्तर घटेको देखिन्छ ।
एक हप्तापछि चैत्र ६ गते शुक्रबारसम्म आइपुग्दा सुनको मूल्य घटेर २ लाख ९४ हजार ५०० रुपैयाँमा झरेको छ । एकै हप्तामा सुनको मूल्यमा भारी गिरावट आएको नेपाल सुनचाँदी व्यवसायी महासंघले जनाएको छ ।
महासंघका अनुसार, चैत १ गते आइतबार सुनको मूल्य तीन लाख ९ हजार ४०० रुपैयाँमा कारोबार भएको देखिन्छ । चैत २ गते सोमबार भने सुनको मूल्य १०० रुपैयाँले बढेर तीन लाख ९ हजार ५०० रुपैयाँमा कारोबार भएको थियो ।
त्यस्तै, चैत ३ गते मंगलबार पनि सुनको मूल्य ४०० रुपैयाँ बढेर प्रतितोला ३ लाख ९ हजार ९०० रुपैयाँमा कारोबार भएको थियो । त्यस्तै, चैत ४ गते बुधबार भने सुनको मूल्य २२०० रुपैयाँले घटेर ३ लाख ७ हजार ७०० रुपैयाँमा कारोबार भएको थियो ।
चैत ५ गते बिहीबार पनि एकैदित ५ हजार ४०० रुपैयाँले सुनको मूल्य घटेर प्रतितोला ३ लाख २ हजार ३०० रुपैयाँ र चैत ६ गते पुनः ७ हजार ८०० रुपैयाँले सुनको मूल्य घटेर त्यस दिन २ लाख ९४ हजार ५०० रुपैयाँ प्रतितोलामा कारोबार भएको महासंघले जनाएको छ ।
अघिल्ला हप्ताहरुमा निरन्तर बढेको सुनको मूल्य पछिल्ला दिनमा घट्न थालेको छ । सुन व्यवसायीका अनुसार, मध्यपूर्वी क्षेत्रको युद्ध र तनाव जारी रहे पनि त्यसको प्रभाव नेपाली सुनको बजारमा नपरेको उनीहरुको भनाइ छ ।
