कसैका लागि साधारण देखिने एउटा झोला, यी बालबालिकाका लागि भने अवसरको ढोका बन्न सक्छ। यही सोचका साथ बैंकले उनीहरूको काँधमा केवल झोला मात्र होइन, सम्भावना, आत्मविश्वास र उज्ज्वल भविष्यको आशा पनि सुम्पिएको जनाएको छ। कार्यक्रममा झोला ग्रहण गर्दा बालबालिकाका अनुहारमा देखिएको खुशी केवल सामग्री प्राप्तिको मात्र थिएन, त्यो “अब म पनि सक्छु” भन्ने विश्वासको झल्को थियो।
यस अभियानअन्तर्गत बैंकले शिक्षालाई थप प्रोत्साहन गर्न विद्यालय पोशाकहरू वितरण गर्नुका साथै मेहनती तथा उत्कृष्ट विद्यार्थीहरूलाई छात्रवृत्ति प्रदान गर्दै उनीहरूको लगनशीलताको कदर गरेको छ।
बैंकले आफ्नो सामाजिक उत्तरदायित्वअन्तर्गत यस्ता पहलहरूलाई निरन्तरता दिँदै समुदायमा दिगो प्रभाव सिर्जना गर्ने प्रतिबद्धता जनाएको छ। हालसम्म बैंकले सुर्खेत, कालिकोट, धनुषालगायतका जिल्लाहरूमा करिब ५०० भन्दा बढी विद्यालय झोला वितरण गरिसकेको जनाएको छ।
