प्रतिनिधिसभाको आजको बैठकमा आर्थिक वर्ष २०८३र८४ को विनियोजन विधेयक अन्तर्गत विभिन्न मन्त्रालयका शीर्षकहरूमाथि समूहीकृत रूपमा छलफल सुरु हुने संसद् सचिवालयले जनाएको छ। बैठकमा आज विभिन्न ९ वटा मन्त्रालयहरूको बजेट वक्तव्य र विनियोजित शीर्षकहरूमाथि सांसदहरूले आफ्नो धारणा राख्नेछन्।
आज छलफल हुने मन्त्रालयहरूः
- युवा, श्रम तथा रोजगार मन्त्रालय
- उद्योग, वाणिज्य तथा आपूर्ति मन्त्रालय
- कृषि, वन तथा पर्यावरण मन्त्रालय
- सूचना तथा सञ्चार मन्त्रालय
- संस्कृति, पर्यटन तथा नागरिक उड्डयन मन्त्रालय
- शिक्षा तथा खेलकुद मन्त्रालय
- स्वास्थ्य तथा खाद्य स्वच्छता मन्त्रालय
- भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालय
- महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालय
बैठकमा यी मन्त्रालयहरूका लागि विनियोजित बजेटको प्राथमिकता, खर्चको खाका र नीतिहरूमाथि केन्द्रित रहेर सांसदहरूले संशोधन प्रस्ताव र सुझावहरू प्रस्तुत गर्नेछन्।
उता दिउँसो १ः१५ बजे बस्ने राष्ट्रिय सभाको बैठकमा आगामी आर्थिक वर्षको राजस्व र व्ययको वार्षिक अनुमान (बजेट) माथि सामान्य छलफल जारी रहनेछ।
राष्ट्रिय सभामा आजको बैठकको मुख्य कार्यसूची अन्तर्गत, बजेटमाथि सांसदहरूले उठाएका जिज्ञासा, आलोचना र सुझावहरूको सम्बन्धमा अर्थमन्त्री डा. स्वर्णिम वाग्लेले जवाफ दिने कार्यक्रम रहेको छ। बजेटको आकार, राजस्व सङ्कलनको लक्ष्य र विनियोजन प्रणालीलाई लिएर सदनमा भइरहेको बहसलाई लिएर अर्थमन्त्रीको सम्बोधनलाई चासोका साथ हेरिएको छ।
