पार्टी सचिवालयका सङ्गठन विभाग सचिव शङ्कर श्रेष्ठका अनुसार ३३ देशका प्रवास सम्पर्क विभागबाट १७० जना प्रतिनिधि चुनिएका छन् । यसैगरी, विधानको व्यवस्था बमोजिम पार्टी सभापतिबाट १३८ जना मनोनित भइसकेका छन् भने विभिन्न समूहगत रूपमा पार्टी प्रवेश गरेका १९२ जनालाई महाधिवेशन प्रतिनिधि चयन गरिएको छ ।
कुन प्रदेशबाट कति प्रतिनिधि ? महाधिवेशनमा सबैभन्दा बढी वाग्मती प्रदेश र सबैभन्दा कम कर्णाली प्रदेशबाट प्रतिनिधित्व हुने भएको छ । सचिवालयले सार्वजनिक गरेको प्रदेशगत विवरण यसप्रकार छ:
क-कसले पाए प्रतिनिधित्व ? रास्वपाले महाधिवेशन प्रतिनिधिका रूपमा पालिका सभापति, क्षेत्रीय सभापति र उपसभापति, तथा जिल्ला सभापतिसहित पाँच जना प्रतिनिधि रहने व्यवस्था गरेको छ । यसका साथै प्रदेश समितिका सबै सदस्यहरू, प्रदेशस्तरीय विभाग, अनुशासन आयोग र सल्लाहकार परिषद्का पदाधिकारीहरू पनि स्वतः प्रतिनिधि भएका छन् ।
केन्द्रीय संरचनातर्फ सङ्घीय नेतृत्व मञ्चका सबै केन्द्रीय सदस्य, केन्द्रमा रहेका ३८ वटा विभागबाट प्रतिविभाग ११–११ जनाका दरले सदस्यहरू चयन भएका छन् । त्यस्तै केन्द्रीय निर्वाचन आयोग, अनुशासन आयोग र लेखा आयोगबाट पनि ११–११ जनाको प्रतिनिधित्व गराइएको छ ।
स्थानीय तहको संरचना अनुसार प्रत्येक गाउँपालिकाबाट एक जना, नगरपालिकाबाट दुई जना, उपमहानगरपालिकाबाट तीन जना र महानगरपालिकाबाट चार जना प्रतिनिधि चुनिएका छन् । सम्पर्क विभागको हकमा प्रदेश सम्पर्क विभागबाट तीन–three जना र जिल्ला सम्पर्क विभागबाट एक–एक जना प्रतिनिधि हुने व्यवस्था मिलाइएको छ ।
पार्टीले चुनावी मैदानमा होमिएका नेताहरूलाई पनि विशेष स्थान दिएको छ । गत प्रतिनिधिसभा निर्वाचनमा रास्वपाका तर्फबाट प्रत्यक्षतर्फ पराजित तथा समानुपातिक सूचीमा रहेका व्यक्तिहरूलाई प्रतिनिधि बनाइएको छ । साथै, २०७९ सालको प्रतिनिधिसभा निर्वाचनमा पराजित समानुपातिक सूचीका र पार्टीमा सक्रिय व्यक्ति तथा केन्द्रीय समितिमा नरहेका प्रतिनिधिसभा सदस्यहरू पनि महाधिवेशन प्रतिनिधि भएका छन् ।
यस व्यापक र समावेशी प्रतिनिधित्वसँगै रास्वपाले आफ्नो पहिलो ऐतिहासिक महाधिवेशनको सांगठनिक तयारी पूरा गरेको छ ।
