शनिबार राति स्थानीय धुलाखोलामा आएको आकस्मिक बाढी र लेदोसहितको पहिरो बस्तीमा पस्दा यो क्षति भएको हो। बगायोजिल्ला प्रहरी कार्यालय डोल्पाका अनुसार राति करिब ३ः०० बजेको समयमा अचानक आएको बाढी घरभित्र पसेको थियो। घरमा सुतिरहेकै अवस्थामा बाढी र पहिरोको लेदोले बगाउँदा स्थानीय अन्दाजी ५५–५६ वर्षीया आनन्दी विकको घटनास्थलमै मृत्यु भएको छ।
घटनामा परी अन्य ६ जना स्थानीयबासी घाइते भएका छन्। घाइतेहरूलाई स्थानीय स्वास्थ्य संस्था तथा जिल्ला अस्पतालमा उपचारका लागि पठाइएको र उनीहरूको अवस्था सामान्य रहेको प्रहरीले जनाएको छ।
बाढीले गैरीगाउँका केही घरहरूमा पूर्ण रूपमा क्षति पुर्याएको छ भने खेतीयोग्य जमिन समेत पुरेको छ। घटना लगत्तै नेपाल प्रहरी, सशस्त्र प्रहरी र स्थानीयबासीको टोलीले रातभरी उद्धार कार्य जारी राखेका थिए। लगातारको वर्षा र भेरी कोरिडोर सडकखण्ड अवरुद्ध भएका कारण विकट क्षेत्रमा राहत र थप उद्धार सामग्री पुर्याउन कठिनाइ भइरहेको छ।
