ग्लोबल अटोमोबाइल समूह Stellantis सँगको रणनीतिक साझेदारीमा सञ्चालित चिनियाँ प्रिमियम ईभी ब्राण्ड लिपमाेटरले आफ्नो नयाँ स्मार्ट अर्बन क्रसओभर एसयूभी लिपमाेटर B03X नेपाली बजारमा औपचारिक रूपमा सार्वजनिक गरेको छ।

नेपालका लागि आधिकारिक वितरक साङ्ग्रिला मोटर्सले काठमाडौँमा आयोजित विशेष कार्यक्रममार्फत यस गाडीको औपचारिक बुकिङ खुला गरेको हो।

१. डिजाइन र क्याबिन: 'स्माइली' लुक्स र 'म्याजिक सिट्स'

लिपमाेटर B03X को बाहिरी बनावट आधुनिक, सोबर र सहरी चालकहरूलाई आकर्षित गर्ने खालको छ।  

एक्सटेरियर सिग्नेचर: यसको अगाडिको भागमा ३-सेग्मेन्ट 'Smile' LED लाइट बार दिइएको छ। पछाडि 'हा-हा' कभर्ड एलइडी टेललाइट र Sleek Spoiler छ, जसले यसलाई प्रिमियम र चञ्चल लुक्स प्रदान गर्छ।  यसको साइडमा फ्लेयर गरिएको ह्वील आर्च, कालो क्ल्याडिङ, सेमी हिडन डोर ह्याण्डल र फ्लोटिङ रूफ इफेक्ट छ। ४.२७ मिटर लम्बाई भएको यो गाडीको १० मिटरको सानो टर्निङ रेडियस (Turning Radius) ले गर्दा काठमाडौँका जाम र गल्लीमा पार्किङ गर्न निकै सहज हुन्छ।

क्याबिन र स्टोरेज (Magic Space): क्याबिनमा १४.६ इन्चको फ्लाेटिङ एचडी सेन्ट्रल टचस्क्रीन र ८.८ इन्चको डिजिटल क्लस्टर छ। यसमा ५१० लिटरको फराकिलो बूट स्पेस (Boot Space) र ३३ वटा साना-ठूला स्टोरेज स्पेस दिइएका छन्। यसका 'म्याजिक सिट्स' (Magic Seats) लाई फोल्ड गरेर ठूला सामान सहजै राख्न सकिन्छ।

२. पर्फर्मेन्स, ब्याट्री र वास्तविक रेन्ज 

नेपाली सडक र भूगोलका लागि यस गाडीको पावर ट्रेक निकै शक्तिशाली छ।

मोटर र पावर: B03X मा १४५ kW (१९४ hp) सम्मको शक्तिशाली मोटर दिइएको छ। यसले ० देखि १०० किमी/घण्टाको गति मात्र ८.६ सेकेन्डमा प्राप्त गर्छ। नागढुङ्गा वा थानकोटको उकालोमा गाडीले सहजै गति लिन्छ। 

ब्याट्री र रेन्ज: ५ ५३ kWh क्षमताको लिथियम ब्याट्री प्याकले CLTC मानक अनुसार ५०५ किमी सम्मको रेन्ज दिन्छ। काठमाडौँको वास्तविक ट्राफिक, उकालो र खाल्टाखुल्टीयुक्त बाटोमा यसले ३६० देखि ३९० किमीसम्मको 'रियल-वर्ल्ड रेन्ज' सहजै प्रदान गर्छ।

फास्ट चार्जिङ: DC फास्ट चार्जर प्रयोग गर्दा यसको ब्याट्री १६ देखि १७ मिनेटमै ३०% देखि ८०% सम्म चार्ज हुन्छ।

३. सस्पेन्सन, ग्राउन्ड क्लियरेन्स र सुरक्षा (ADAS Level 2)  

नेपालका खाल्टाखुल्टीयुक्त बाटोमा यसको सस्पेन्सनले सन्तुलित राइड कम्फर्ट प्रदान गर्छ। B03X मा १४ वटा सेन्सर र क्यामेराद्वारा सञ्चालित २१ वटा ADAS Level-2 (Advanced Driver Assistance System) सुरक्षा फिचरहरू जडान गरिएको छ। Lane Keep Assist, Emergency Braking र Blind Spot Detection जस्ता प्रविधिले गर्दा नेपाली हाइवे र सहरमा गाडी हाँक्दा उच्च सुरक्षा महसुस हुन्छ।  

नेपालमा उपलब्ध भेरियन्ट, रङ र मूल्य

१. उपलब्ध भेरियन्ट: 

नेपाली बजारका लागि साङ्ग्रिला मोटर्सले दुई मुख्य भेरियन्ट ल्याएको छ:

• Leapmotor B03X Pro (39.8 kWh Battery / 130 kW Motor)

• Leapmotor B03X Pro Max / Long Range (53 kWh Battery / 145 kW Motor)

२. उपलब्ध रङहरू: 

B03X नेपालमा मुख्यतया ५ वटा आकर्षक सहरी रङहरूमा उपलब्ध छ:

• स्टारी व्हाइट (Starry White)

• स्पेस ग्रे (Space Gray)

• स्काई ब्लू (Sky Blue)

• मिडनाइट ब्ल्याक (Midnight Black)

• ओट ग्रे (Oat Grey)

३. नेपालमा मूल्य: 

कम्पनीले बी ०३ एक्सको आधिकारिक मूल्य ४६ लाख ९९ हजार रुपैयाँ तोकेको छ । तर, पहिलो १०० ग्राहकलाई ४४ लाख ९९ हजार रुपैयाँमै उपलब्ध गराउने कम्पनीले जनाएको छ ।

प्राविधिक विवरण

सबल र दुर्बल पक्षहरू

सबल पक्षहरू (Pros):

• शक्तिशाली १४५ kW मोटर: १५० kW मुनिको भन्सार कर नीतिको पूर्ण फाइदा उठाउँदै उच्च पावर र पिक-अप।

• छिटो चार्जिङ र रेन्ज: १६ मिनेटमै ३०-८०% चार्ज र ३८०+ किमीको वास्तविक रेन्ज।

• स्मार्ट केबिन र स्टोरेज: ५१० लिटर बूट स्पेस र १४.६ इन्चको HD डिस्प्ले।

• Stellantis को सहयोग: विश्वकै प्रसिद्ध अटो कम्पनी Stellantis सँगको सहकार्यले गर्दा अन्तर्राष्ट्रिय गुणस्तर।

दुर्बल पक्षहरू (Cons):

• टचस्क्रीनमा अत्यधिक निर्भरता: एसी र अधिकांश नियन्त्रण डिस्प्लेमै भएकाले चलाउँदा केही समय बानी पर्नुपर्ने।

• सहरी बाटो लक्षित: ४.२७ मिटरको कम्प्याक्ट साइज भएकाले अत्यधिक अफ-रोडभन्दा सहरी र राजमार्गका लागि बढी उपयुक्त।