निगमले हालै प्रेस विज्ञप्ति जारी गर्दै साउन महिनामा अघिल्लो महिनाको तुलनामा करिब ९ लाख सिलिण्डर बढी ग्यास बिक्री वितरण भएको जनाएको छ।
निगमको पछिल्लो पाँच महिनाको तथ्याङ्क अनुसार गत २०८२ साल चैत्र महिनामा ३८,७९९.४५ मे.टन अर्थात् २७,३२,३५५ सिलिण्डर ग्यास आयात तथा बिक्री भएको थियो। त्यसैगरी, २०८३ साल वैशाख महिनामा ३२,०५६.४४ मे.टन (२२,५७,४९६ सिलिण्डर), जेष्ठ महिनामा ३२,८४२.२९ मे.टन (२३,१२,८३७ सिलिण्डर) र आषाढ महिनामा ४४,५४४.५० मे.टन (३१,३६,९३७ सिलिण्डर) ग्यास बिक्री भएको थियो। साउन महिनामा भने यो परिमाण बढेर ५७,३१६.३८ मे.टन अर्थात् ४०,३६,३६४ सिलिण्डर पुगेको छ।
पछिल्लो पाँच महिनाको एलपि ग्यास आयात तथा बिक्री वितरणको तुलनात्मक अध्ययन गर्दा साउन महिनामा असारको तुलनामा करिब नौ लाख सिलिण्डर बढी ग्यास बिक्री वितरण भएको देखिएको छ। चालु भाद्र महिनामा समेत एलपि ग्यासको आयात तथा बिक्री वितरण पूर्ण रूपमा नियमित भइरहेको र आगामी दिनहरूमा पनि यो निरन्तर सुचारू रहने निगमले प्रष्ट पारेको छ। तसर्थ, बजारमा कुनै पनि किसिमको अभाव नरहेकाले उपभोक्ताहरूले आवश्यकता अनुसार मात्र ग्यास खरिद गर्न निगमले पुनः अनुरोध गरेको छ।
