अघिल्लो वर्षको सोही अवधिमा यस्तो सञ्चिति दुई खर्ब ६७ अर्ब ७६ करोड रुपैयाँ रहेको थियो। समीक्षा वर्षमा कुल विदेशी विनिमय सञ्चिति ४५ दशमलव ६ प्रतिशतले बढेको छ।
अमेरिकी डलरको आधारमा पनि विदेशी मुद्रा सञ्चिति उल्लेखनीय रूपमा बढेको छ। अघिल्लो वर्ष १९ अर्ब ५० करोड अमेरिकी डलर रहेको सञ्चिति समीक्षा वर्षमा २९ दशमलव ८ प्रतिशतले वृद्धि भई २५ अर्ब ३१ करोड अमेरिकी डलर पुगेको केन्द्रीय बैंकले जनाएको छ।
कुल विदेशी विनिमय सञ्चितिमध्ये नेपाल राष्ट्र बैंकमा रहेको सञ्चिति तीन खर्ब ४७ अर्ब ३१ करोड रुपैयाँ र अन्य बैंक तथा वित्तीय संस्थासँग रहेको सञ्चिति ४२ अर्ब ४४ करोड रुपैयाँ कायम भएको छ। कुल सञ्चितिमा भारतीय मुद्राको अंश २२ दशमलव ३ प्रतिशत रहेको छ।
बढेको विदेशी मुद्रा सञ्चितिले मुलुकको बाह्य क्षेत्र बलियो रहेको देखाएको छ। हाल कायम रहेको विदेशी विनिमय सञ्चितिले बैंकिङ क्षेत्रको २३ महिनाको वस्तु आयात र १९ महिनाभन्दा बढी समयको वस्तु तथा सेवा आयात धान्न पर्याप्त हुने देखिएको छ।
