संकटको यस घडीमा संघका सदस्य वायुसेवा कम्पनीहरूका हेलिकप्टरमार्फत खोज तथा उद्धार कार्य तिब्र पारिएको छ। बाढी प्रभावित क्षेत्रमा स्वास्थ्य सामग्री, राहत सामग्री तथा उद्धारमा खटिने सुरक्षाकर्मीहरूलाई पुर्याउने काम भइरहेको र घाइतेहरूलाई हेलिकप्टरबाट उद्धार गरी सुरक्षित स्थानमा ल्याइएको संघले जनाएको छ।
त्यस्तै, विषम परिस्थितिमा केही सेक्टरमा यात्रुहरूको अत्यधिक चापका कारण सस्तो दरका टिकट सकिए तापनि मानवीय र सामाजिक उत्तरदायित्वलाई ध्यानमा राख्दै सदस्य वायुसेवा कम्पनीहरूले सरकारले तोकेको साविककै भाडादरमा टिकट बिक्री वितरण गरिरहेको स्पष्ट पारेको छ।
