परिसंघले बाढीमा परी ज्यान गुमाएका नागरिकप्रति हार्दिक श्रद्धाञ्जली व्यक्त गर्दै घाइतेहरूको शीघ्र स्वास्थ्यलाभको कामना गरेको छ। विपद्को यस कठिन घडीमा प्रभावित नागरिकलाई अत्यावश्यक राहत सामग्री उपलब्ध गराउनुका साथै पुनर्निर्माण तथा आवश्यक सहयोगका लागि परिसंघले Disaster Response Committee स्थापना गरेको जनाएको छ।
परिसंघले सरकार र समुदायसँग हातेमालो गर्दै राहत तथा पुनःस्थापनाको कार्यमा योगदान गर्न आफ्ना सम्पूर्ण सदस्य संस्था, उद्यमी–व्यवसायी तथा व्यावसायिक संघसंस्थालाई आग्रह गरेको छ।
त्यस्तै, प्रभावित नागरिकको राहत, उपचार तथा पुनःस्थापनाका कार्यलाई तीव्रताका साथ अघि बढाउन नेपाल सरकारसमक्ष समेत परिसंघले हार्दिक अनुरोध गरेको छ।
