संयुक्त राष्ट्रसंघको सर्वोच्च मञ्चमा नेपाली प्रधानमन्त्री वालेन्द्र शाह (बालेन) ले गरेको गर्जनले यतिबेला विश्वकै डिजिटल दुनियाँमा भूकम्प ल्याइदिएको छ। 

विश्वका महाशक्ति र शक्तिशाली राष्ट्रहरूका राष्ट्रप्रमुखहरूलाई पछाडि पार्दै प्रधानमन्त्री बालेनको सम्बोधन संयुक्त राष्ट्रसंघ (UN) को आधिकारिक युट्युब च्यानलमा ऐतिहासिक रूपमा पहिलो नम्बरमा ट्रेन्डिङ भइरहेको छ।

अन्तर्राष्ट्रिय कूटनीति र विश्व राजनीतिको केन्द्र मानिने राष्ट्रसंघको महासभामा नेपालका प्रधानमन्त्रीको भाषणले विश्वकै सबैभन्दा शक्तिशाली मानिने संयुक्त राज्य अमेरिकाका राष्ट्रपति, आणविक शक्तिसम्पन्न इरानका राष्ट्रपति तथा टर्कीका प्रभावशाली नेतालाई समेत निकै पछाडि छोडिदिएको छ।

विश्वका महाशक्तिहरूलाई पछि पार्दै बालेनको एकछत्र राज

संयुक्त राष्ट्रसंघको आधिकारिक युट्युब च्यानलमा अपलोड गरिएका भिडिओहरूको तथ्यांक हेर्दा प्रधानमन्त्री बालेनको सम्बोधनले विश्वभर तरंग पैदा गरेको स्पष्ट हुन्छ। सार्वजनिक भएको तीन दिनमै उनको सम्बोधनलाई ७ लाख २७ हजार (727K) भन्दा बढी पटक हेरिएको छ।

सबैभन्दा चकित पार्ने कुरा त के छ भने, विश्व राजनीतिमा सबैभन्दा बढी चर्चामा रहने संयुक्त राज्य अमेरिकाका राष्ट्रपति डोनाल्ड ट्रम्पको सम्बोधनलाई समेत बालेनले निकै ठूलो अन्तरले पराजित गरेका छन्। ट्रम्पको सम्बोधनलाई हालसम्म केवल ४ लाख १३ हजार पटक मात्र हेरिएको छ, जुन बालेनको तुलनामा झण्डै आधा कम हो। त्यस्तै, अन्तर्राष्ट्रिय मञ्चमा निकै चासोका साथ हेरिएका इरानका राष्ट्रपति मसुद पेजेस्कियानको सम्बोधन ४ लाख ४१ हजार भ्युजमै सीमित भएको छ भने टर्कीका राष्ट्रपति रेसेप तैयप एर्दोआनको भिडिओ २ लाख २६ हजार भ्युजसहित चौथो स्थानमा खुम्चिएको छ।

नेपाली पोशाकको रवाफ र विश्व व्यवस्थालाई खुला चुनौती

संयुक्त राष्ट्रसंघको पोडियममा परम्परागत नेपाली दौरा-सुरुवाल, ढाका टोपी र आफ्नो ट्रेडमार्क कालो चस्मामा सजिएर उभिएका बालेनको शारीरिक भाषा र कडा प्रस्तुतिले विश्वभरका दर्शकलाई मन्त्रमुग्ध बनाएको छ। सधैँ शक्तिशाली राष्ट्रहरूको मात्र दबदबा रहने राष्ट्रसंघको महासभामा नेपालजस्तो सार्वभौम राष्ट्रको तर्फबाट उनले विद्यमान अन्यायपूर्ण विश्व व्यवस्था र महाशक्तिहरूको दोहोरो चरित्रमाथि सिधा र कडा प्रहार गरेका थिए।

युद्धको विभिषिकाबाट जन्मिएको राष्ट्रसंघले साना राष्ट्रहरूको सार्वभौमिकता, अन्तर्राष्ट्रिय कानुन र मानव गरिमाको रक्षा गर्नुपर्ने उनको निर्भीक आवाजले विश्वभरका नागरिकहरूको मन जितेको छ। यही कारण विश्वभर छरिएका नेपाली मात्र नभई अन्तर्राष्ट्रिय दर्शकहरूले समेत बालेनको सम्बोधनलाई पटक-पटक हेर्दै सामाजिक सञ्जालमा अभूतपूर्व रूपमा भाइरल बनाइरहेका छन्।

डिजिटल कूटनीतिमा नेपालको अभूतपूर्व विश्व कीर्तिमान

इतिहासमै पहिलो पटक संयुक्त राष्ट्रसंघको आधिकारिक डिजिटल प्लेटफर्ममा नेपालका प्रधानमन्त्रीले विश्वका सबै शक्तिशाली नेताहरूलाई भ्युज, प्रभाव र लोकप्रियताको मामिलामा क्लिन स्विप गरेका छन्। कुनै पनि नेपाली नेताको भाषणले अन्तर्राष्ट्रिय मञ्चमा यति विशाल वैश्विक ध्यान, समर्थन र चर्चा बटुलेको यो पहिलो ऐतिहासिक घटना हो।

यस भिडिओले डिजिटल युगमा देशको आकार सानो वा ठूलो भएर फरक पर्दैन, विचार र नेतृत्व शक्तिशाली भए विश्वलाई नै हल्लाउन सकिन्छ भन्ने सन्देश विश्वसामु दिएको छ। विश्वकै शक्तिशाली नेताहरूलाई उछिनेर बालेनले बनाएको यो डिजिटल रेकर्ड यतिबेला विश्व राजनीति र सामाजिक सञ्जालमा ‘ग्लोबल सेन्सेसन’ बनेको छ।