लुम्बिनी बैंकसँग मर्जरको चर्चा चलेको बिजनेस युनिभर्सल डेभलपमेन्ट बैंक अन्तत् फेवा विकास बैंकसँग एक आपसमा गाभिने भएको छ । यी सस्थाबीच मंगलबार मर्जर सम्बन्धी सम्झौता पत्रमा हस्ताक्षर भएको हो । मर्जरको सम्झौता पश्चात दुवै संस्थाको बुधबारबाट नेप्सेमा कारोबार समेत रोक्का भएको छ ।

सम्झौता पत्रमा बिजनेस युनिभर्सल डेभलपमेन्टका तर्फबाट संचालक एवं मर्जर समितिका संयोजक दिनेश शंकर पालिखे र फेवा विकास बैंकका तर्फबाट संचालक एवं मर्जर समितिका संयोजक विन्दुु कुमार थापाले हस्ताक्षर गरेका छन् ।
यी दुई सस्था आगामी चैत मसान्तसम्म गाभिसक्ने तथा आगामी बैशाखबाट एकिकृत कारोबार थाल्ने तयारी छ । मर्जको सैद्धान्तिक सहमतिका लागि संयुक्त रुपमा नेपाल राष्ट्र बैंकमा बुधबार नै निवेदन दिइएको छ ।

दुई सस्था गाभिएपछि चुक्ता पुँजी १ अर्व ७५ करोड ९ लाख रुपैयाँ हुनेछ । त्यस्तै असोज मसान्त सम्म निक्षेप १६ अर्ब ४३ करोड र कर्जा लगानी १४ अर्व ५ करोड रुपैयाँ छ भने कुल सम्पत्ति २० अर्ब रुपैयाँ छ । दुई वटै सस्थाको गरी शाखा कार्यालय ४० वटा छन् । त्यस्तै एटिएम २४ वटा छन् ।

चुक्ता पूँजी बृद्धि गर्ने राष्ट्र बैंकको नीति अनुसार मर्जमा जान लागेको दुई संस्थाले जारी गरेको विज्ञप्तिमा उल्लेख छ । सबल र सक्षम वित्तीय संस्थाको रुपमा आफ्नो कारोबारलाई थप व्यवसायीक र गुुणस्तरिय सेवा प्रदान गर्ने लक्ष्य सहित मर्जमा जान लागेको जनाइएको छ । यसअधि विजनेश युनिर्भशल डेभलपमेन्ट बैंक लुम्बिनी बैंकसँग गाभिने चर्चा चलेको थियो ।

..................................................................................................................................................................

तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।