कम्पनीको सञ्चालक समिति, जिल्लाका सांसद, राजनैतिक दलका प्रतिनिधि, रसुवा जिल्लाका प्रशासन प्रमुख र सेयर निष्काशन कम्पनीका प्रतिनिधिहरुको संयुक्त बैठकले आवेदन गरेर सेयर नपाएका सबै आवेदकले न्यूनतम दश कित्ता सेयर पाउने सुनिश्चित गरेको कम्पनीले जनाएको छ ।
साधारण सेयर बाँडफाँडमा ५० देखि ७० कित्ता सेयर आवेदन गर्ने करिब ११ हजार जिल्लाबासी आवेदकले सेयर प्राप्त गर्न सकेका थिएनन् । गोलाप्रथामा परि सेयर प्राप्त गर्न नसक्ने लगानीकर्तालाई कम्पनीका प्रबद्धकहरुले आफुसँग रहेको सेयर दिनेगरी सबैलाई न्यूनतम १० कित्ता पाउने सुनिश्चितता गरेका हुन् ।
कम्पनीको आईपीओ बाँडफाँडमा आयोजनाबाट अति प्रभावित क्षेत्रका स्थानियहरुले न्यूनतम १७ कित्तादेखि ६०० कित्तासम्म र ८० कित्ता भन्दा बढि कित्ताको आवेदन गर्ने अन्य जिल्लाबासीहरुले अनिबार्य सेयर प्राप्त गरेका थिए ।
तर ५० देखि ७० कित्ता सेयर आवेदन गर्ने रसुवाका अन्य जिल्लाबासीले भने गोलाप्रथाबाट १० कित्ता सेयर प्राप्त गरेका थिए । सो समयमा ५० देखि ७० कित्ता सेयर आवेदन गर्ने करिब ११ हजार स्थानियले साधारण सेयर प्राप्त गर्न सकेका थिएनन् ।
मैलुङ खोला जलविद्युत कम्पनीले सिद्धार्थ क्यापिटल मार्फत आयोजनाबाट अति प्रभावित हुने क्षेत्र तीन गाविस हाकु, डाँडागाउँ र राम्चे गाविसका लागि एक लाख ८४ हजार ७२ कित्ता र रसुवा जिल्लाका अन्य गाविसका वासिन्दाहरुको लागि एक लाख ८४ हजार ७२ कित्ता सेयर जारी गरी असार ३० गते बाँडफाँड गरेको थियो ।
३६ करोड ८१ लाख ४३ हजार रुपैयाँ जारी पूँजी रहेको कम्पनीमा ७० प्रतिशत सेयर संस्थापक समुहको रहेको छ । स्थानीयका लागि १० प्रतिशत र सर्वसाधारणका लागि २० प्रतिशत छुट्याएको कम्पनीले संस्थापकतर्फको ७० प्रतिशतले हुने २५ करोड ७७ लाख रुपैयाँ पूँजी चुक्ता गरिसकेको छ । स्थानीय र सर्वसाधारणको गरी २० प्रतिशत सेयर निष्काशनका लागि कम्पनीले एनआईबिएल क्यापिटललाई बिक्री प्रबन्धक नियुक्त गरेको हो ।
............................................................................................................................................................................
घरमा बसेर अनलाइनबाट डिम्याट खाता खोली एक लाख रुपैंयाको बीमा सित्तैमा गराउनुहोस् ।
