सिद्धार्थ बैंकको प्रवद्र्धन तथा सिद्धार्थ क्यापिटलको व्यवस्थापनमा निष्काशन भएको सिद्धार्थ इक्विटी फण्डले १० वर्ष अवधिको बन्दमुखी योजनाको एक अर्ब ५० करोड रुपैयाँको १५ करोड इकाइ असोज २५ देखि ३० गतेसम्म निष्काशन गरि कात्तिक २३ गते बाँडफाँड गरेको थियो ।
निष्काशित इकाईमध्ये फण्डको प्रवद्र्धक सिद्धार्थ बैंकलाई दुई करोड २५ लाख ईकाईहरु छुट्याइएको थियो । बाँकी १२ करोड ७५ लाख इकाइमध्ये जसमा ८० लाख रुपैंयाँसम्मका सबै आवेदकहरुलाई मागेजति सबै रकमको ईकाई बितरण गरिएको थियो ।
१० लाख ईकाई अर्थात एक करोड रुपैंयादेखि माथि दुई करोड ४० लाख रुपैंयाँसम्मका लागि ४१ वटा आवेदन परेकोमा ३३ आवेदकलाई ९ लाख ६७ हजार ७४८ ईकाईहरु र ८ आवेदकलाई ९ लाख ६७ हजार ७४७ ईकाईहरु बाँडफाँड गरिएको थियो ।
क्यापिटलले सिद्धार्थ लगानी वृद्धि १ र सिद्धार्थ इक्विटी ओरियन्टेड स्कीम सञ्चालन गरेकोमा सिद्धार्थ लगानी वृद्धिको अवधि पुस ९ गतेदेखि समाप्त भएको छ ।