राष्ट्र बैंकले आज वित्तीय बजारमा २० अर्ब रुपैयाँ प्रवाह गर्ने

Mar 14, 2018 merolagani

नेपाल राष्ट्र बैंकले बुधबार वित्तीय बजारमा २० अर्ब रुपैयाँ पठाउने भएको छ । बैंक तथा वित्तीय संस्थामा तरलता असहज भएर अन्तर बैंक कारोबारको ब्याजदर पाँच प्रतिशत नाघेपछि राष्ट्र बैंकले रिपो मार्फत बजारमा उक्त रकम पठाउन लागेको हो ।

राष्ट्र बैंकका अनुसार अहिले वित्तीय प्रणालीमा २२ अर्ब रुपैयाँ बराबरको तरलता रहेको छ । तर ब्याजदर करिडोर सम्बन्धी कार्यविधीमा गरिएको व्यवस्था अनुसार अन्तर बैंक ब्याजदर पाँच प्रतिशत भन्दा बढी भएमा राष्ट्र बैंकले बजारमा रिपो उपकरण मार्फत रकम प्रवाह गर्नुपर्ने हुन्छ ।

राष्ट्र बैंकले दुई साताको लागि उक्त रिपो जारी गर्न लागेको हो। जसको ब्याजदर पाँच प्रतिशत तोकिएको छ । बुधबार जारी हुने रिपो चैत्र १४ गते परिपक्व हुनेछ ।

राष्ट्र बैंकले बजारमा तरलता धेरै भए रिभर्स रिपोमार्फत पैसा खिच्छ भने कम भए रिपोमार्फत पैसा प्रवाह गर्दै आएको छ । यो रकम प्रवाह भएपछि अन्तर बैंक कारोबारको ब्याजदर नियन्त्रणमा आउँने राष्ट्र बैंकको विश्वास छ ।


comments powered by Disqus

आज विजया दशमी,अधिकांशले मान्यजनबाट माेवाइलमै आशिर्वाद लिँदै,टीकाको सुभ साइत १०ः१९ बजे

Oct 26, 2020 06:15 AM

आज नेपाली हिन्दूहरूकाे महान चाड बिजया दशमी । मान्यजनकाे हातबाट टीका र अाशिर्वाद लिएर मनाइदै छ। दशैंको टीकाको सुभ साइत आज १०ः१९ बजे रहेको छ । नेपाल पञ्चाङ्ग निर्णायक समितिका अनुसार आज १०ः१९ बजे टीका लगाउँदा सुभ हुने छ ।