विजयसँगै रानाभाटले दुर्इ वर्ष स्टक ब्रोकर एशोसिएशनको नेतृत्व गर्नेछन् ।
नेतृत्व सर्वसम्मत बनाउने प्रयास भएपनि असफल भएपछि शुक्रबार साँझ मतदान भएको थियो ।
निर्वाचनमा विजयी भएका रानाभाटले २९ मत प्राप्त गरे भने उनका प्रतिद्धन्द्धी राजकुमार तिमिल्सिनाले १८ मत मात्र प्राप्त गरेका थिए।
अध्यक्षमा निर्वाचित रानाभाट कोहिनुर इन्भेष्टमेन्ट एण्ड सेक्युरिटिज प्रालि (ब्रोकर नम्बर ३५) का प्रबन्ध निर्देशक हुन् भने पराजित भएका तिमिल्सिना भिजन सेक्युरिटिज (ब्रोकर नम्बर ३४) का अध्यक्ष हुन् ।
रानाभाटको अध्यक्षतामा १० सदस्यीय नयाँ कार्यसमिति चयन भएको छ । एशोसिएसनको उपाध्यक्षमा टंकप्रसाद गौतम, महासचिव पदमा धर्मराज सापकोटा, सचिवमा सन्तोष पौडेल र कोषाध्यक्षमा गुणनिधि भुषाल निर्विरोध निर्वाचित भइसकेका छन् ।
यस्तै, कार्यसमिति सदस्यहरुमा सञ्जिला अर्याल, फडिन्द्र ढकाल,सन्दिप चाचन, सुमन गौतम, रमण देव पन्त निर्वाचित भएका छन् । कार्यसमिति सदस्यहरु पनि यसअघि नै निर्विरोध निर्वाचित भएका हुन् ।
