बैंकहरुले लगानीयोग्य रकम अभाव झेलिरहेका बेला यस्तो तथ्य देखिएको हो । आक्रामक रुपमा लगानी बढाएका बैंकहरु अहिले कर्जा प्रवाह गर्न असहज अवस्थामा छन् ।
यस्तो बेलामा बैंकहरुको आधार दरमा आएको गिरावटबाट सेवाग्राही कति प्रभावित हुन्छन् भन्ने कुरा केही दिन पछि देख्न सकिन्छ ।बैंकहरुको आधार दर ०.७८ प्रतिशतसम्म घटेको छ ।
सिभिल बैंकको आधार दर ११.८४ बाट ११.०६ प्रतिशतमा झरेको छ । त्यसै गरी सनराइज बैंकको ११.०९ प्रतिशतबाट १०.९७, जनता बैंकको ११.६० बाट ११.२२, सानिमा बैंकको १०.६६ बाट १०.५५ प्रतिशतमा झरेको छ । मेगा बैंकको भने १०.५५ प्रतिशतमा स्थिर रहेको छ ।
उल्लेखित बैंकहरुबाट कर्जा लिइसकेका सेवाग्राहीको हकमा भने अब थप व्याजदर नबढ्ने अवस्था रहन्छ । तर नयाँ कर्जा लिन जानेहरुलाई भने अहिलेको अवस्थामा बैंकहरुले कर्जामा उच्च व्याज लिन सक्ने देखिन्छ ।
स्प्रेडदरतर्फ भने ३ बैंकले तथ्य खुलाएका छन् । जसमा सिभिल बैंकको स्प्रेड ४.१५ प्रतिशत छ भने सानिमाको ४.४४ र मेगा बैंकको ४.७३ प्रतिशत छ ।
कुन बैंकको के सूचकमा कति आयो परिवर्तन ? तालिकामा हेर्नुहोस् ।