छ्याङ्दी हाइड्रोको नाफा २५ प्रतिशतले बढ्यो, प्रतिशेयर आम्दानी कति ?

Nov 25, 2018 Merolagani

छ्याङ्दी हाइड्रोपावर कम्पनी (CHL) ले चालू आर्थिक वर्षको प्रथम त्रैमासमा ८९ लाख ९७ हजार रुपैयाँ खुद नाफा आर्जन गरेको छ । यो गत वर्षको तुलनामा २५.४० प्रतिशतले बढी हो । गत वर्षको यसै अवधिमा हाइड्रोले ७१ लाख ७४ हजार रुपैयाँ खुद नाफा आर्जन गरेको थियो ।

विद्युत विक्री मार्फतको आम्दानी बढेकाले र सञ्चालन खर्च तथा प्रशासनिक खर्चमा सुधार गरेकाले हाइड्रोको खुद नाफामा बढोत्तरी देखिएको हो ।

हाइड्रोले विद्युत बेचेर २ करोड ३ लाख ८९ हजार रुपैयाँ आम्दानी गरेको छ । यो गत वर्षको तुलनामा एक लाख ९८ हजार रुपैयाँले बढी हो । गत वर्षको यसै अवधिमा हाइड्रोले विद्युत बेचेर २ करोड एक लाख ९१ हजार रुपैयाँ आम्दानी गरेको थियो ।

चुक्ता पूँजी २७ करोड रहेको हाइड्रोको जगेडा कोषमा एक करोड ५९ लाख रुपैयाँ सञ्चित छ ।

हाइड्रोको प्रतिशेयर आम्दानी १३ रुपैयाँ ३३ पैसा छ । गत बर्ष हाइड्रोको प्रतिशेयर आम्दानी १० रुपैयाँ ६३ पैसा थियो । प्रतिशेयर नेटवर्थ १०५ रुपैयाँ ९२ पैसा र मूल्य आम्दानी अनुपात ३४.५१ गुणा छ ।


comments powered by Disqus

अमेरिकी नागरिकले डिसेम्बरमा कोरोना भ्याक्सिन पाउने, जर्मनी र बेलायतमा पनि छिट्टै प्रदान गरिने

Nov 23, 2020 05:58 PM

कोभिड–१९ को भ्याक्सिन पहिलो पटक अमेरिकी नागरिकहरूले डिसेम्बर महिनाको सुरुवातमा नै पाउने भएका छन् । यूएस कोभिड–१९ टास्कका प्रमुख मोन्सेफ सलोईले उक्त भ्याक्सिन ११ डिसेम्बरसम्ममा पाउन सक्ने बताएका हुन् ।