ग्रेड ५ को व्यवस्था स्थानीयलाई शेयर बेचिसकेका कम्पनीमा लागू नहुने

Jan 09, 2019 Merolagani

स्थानीयलाई आईपिओ बिक्री गरेका कमजोर क्रेडिठ रेटिङ्ग (पाँच) भएका कम्पनीहरुको हकमा धितोपत्र बोर्डको नयाँ व्यवस्था लागू नहुने भएको छ । केही समय अघि कार्यदलले बुझाएको सुझाव अनुसार ग्रेड ५ पाएका कम्पनीलाई शेयर निष्काशनमा निरुत्साहित गर्ने व्यवस्था धितोपत्र बोर्डले कार्यान्वायनमा ल्याएको थियो ।

तर, स्थानीय तथा आयोजना प्रभावितहरुलाई शेयर बिक्री गरेर सर्वसाधारणमा निष्काशन गर्न बाँकी रहेका कम्पनीलाई भने बोर्डले नयाँ व्यवस्था लागू नगराउने भएको हो । शेयर निष्काशनको प्रकृया मध्य चरणमा पुगिसकेको अवस्थालाई पूर्णता दिनका लागि यस्तो व्यवस्था गरिएको बोर्डले जनाएको छ । 

बोर्डले मंगलबार खराब रेटिङ्ग (ग्रेड ५) वा सो भन्दा माथिका कम्पनीहरुले आईपिओ निष्काशन गर्न नपाउने व्यवस्था गरेको थियो । उक्त व्यवस्थाले स्थानीय तथा आयोजना प्रभावितलाई शेयर निष्काशन गरिसकेका कम्पनी समस्यामा पर्न सक्ने भन्दै बोर्डले त्यस्ता कम्पनीलाई शेयर निष्काशनको काम पुरा गराउन यस्तो निर्णय गरेको हो ।

अहिले धितोपत्र बोर्डको पाइपलाइनमा रहेका तर स्थानीय र आयोजना प्रभावितका लागि शेयर पनि निष्काशन नगरेका कम्पनीको हकमा भने मंगलबारदेखि सुरु भएको नयाँ व्यवस्था नै लागू हुने बोर्डले प्रष्ट पारेको छ । ग्रेड ५ पाएर बोर्डको पाइपलाइनमा मात्र रहेका कम्पनीले भने अब शेयर निष्काशन गर्न नपाउने भएका हुन् ।

बोर्डका अनुसार त्यस्ता कम्पनीले आफ्नो वित्तीय अवस्थामा सुधार गरी कम्तीमा ग्रड ४ प्राप्त गरेपछि मात्र शेयर निष्काशनका लागि अनुमति दिइनेछ ।

स्थानीको लागि शेयर बिक्री गरिसकेका क्रेडिट रेटिङ्ग ५ रहेका शुभम पावर र युनियन हाइड्रोपावरले सर्वसाधारणमा अहिलेकै प्रकृयाबाट शेयर निष्काशन गर्न पाउने छन् । तर बोर्डको पाइपलाइनमा रहेका ग्रेड ५ भएका कम्पनीले भने वित्तीय अवस्था तथा ग्रेडमा सुधार नगरी स्थानीय वा सर्वसाधारण कसैलाई पनि शेयर बिक्री गर्न पाउने छैनन् ।

न्यून रेटिङ गरेका कम्पनीले आईपिओ जारी गर्न नपाउने, आईपिओ र एफपीओमा पनि नयाँ नियम


comments powered by Disqus

वाणिज्य बैंकका सञ्चालक संगठन निर्माण गर्ने तयारीमा

Sep 16, 2019 06:42 PM

वाणिज्य बैंकका सञ्चालकहरूले संगठन निर्माण गर्ने तयारीलाई अन्तिम रूप दिएका छन्। व्याजदर सम्वन्धि आन्दोलनमा उद्योग वाणिज्य महासंघका प्रतिनिधिहरूबाट हेपिएको महसुस गरेका बैंकका अध्यक्षहरूले त्यही बेलादेखि बैंक सञ्चालकहरूको पनि युनियनको आवश्यकता देखेका थिए।